Ezekyel 3:8 - Labib An Kreol Seselwa

⁸ Me mwan, mon pou fer ou latet vin pli dir ki pour zot e rann ou leker fermen parey pour zot.

Ezekyel 3:8 ပူးပေါင်းရင်းမြစ်များ

1 Rwa 21:20

Akab ti dir Eli, “La ou'n trouv mwan, mon lennmi!” Eli ti dir li, “Mon'n trouv ou akoz ou'n kontan fer tou sa ki depler SENYER.

Ezai 50:7

Senyer BONDYE in ed mwan. Pour sa rezon ki mon pa sibir dezoner. Alor, mon fer mon figir vin dir parey ros e mon konnen ki mon pa pou kanmi.

Zeremi 1:18

Konmansman ozordi, mon pou donn ou lafors pour reziste. Devan bann lerwa dan Zida, bann zofisye, bann pret e devan bann sitwayen sa rwayonm, mon fer ou vin parey en lavil fortifye, en pilye an feray, en miray an bronz.

Zeremi 15:20

Devan sa bann dimoun, mon pou fer ou vin solid parey en miray fortifye an bronz. Si zot esey fer lager kont ou, mon pou avek ou pour protez ou, gard ou e delivre ou.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Ezekyel 3:9

Mon pou fer ou latet vin dir koman dyanman, pli dir ki ros. Pa per zot, pa les zot fer ou per. Zot en pep rebel.”

Mise 3:8

Me mwan, mon ranpli avek lafors, avek lespri SENYER, lazistis ek kouraz, pour denons Zakob son bann lenfidelite e Izrael, son pese.

Ebre 11:27

Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.