Ezekyel 26:3 - Labib An Kreol Seselwa

³ Alor, la sa ki Senyer BONDYE i deklare: Tir! Mon pou pran aksyon kont ou. Parey lanmer i anvoy son bann laroul, mon pou anvoy bann nasyon kont ou.

Ezekyel 26:3 ပူးပေါင်းရင်းမြစ်များ

Psonm 107:25

Lo son lord, tanpet ti leve e fer monte gro laroul lo lanmer.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Zeremi 21:13

Mon kont zot ki reste dan vale, la kot bann ros i plat, SENYER i deklare. Annefe, zot dir: Personn pa pou kapab desann pour atak nou ni penetre dan nou landrwa kasyet.

Zeremi 25:22

tou bann lerwa Tir, Sidon, ek bann ki lot kote lanmer;

Zeremi 50:31

Babilonn! Mon kont ou, akoz ou vantar. Letan in arive pour mwan, Senyer BONDYE liniver, pini ou.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 51:42

Lanmer in anvai Babilonn; gro laroul in vin kouver Babilonn.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Ezekyel 26:19

La sa ki Senyer BONDYE i deklare: Mon pou detri ou e fer ou vin en lavil anrin, kot personn pa reste. Mon pou fer gro delo monte e kouver ou konpletman.

Ezekyel 27:26

Ou bann nazer zaviron in anmenn ou dan kre. Divan sorti dan Les in kraz lo ou an plennmer.

Ezekyel 28:22

La sa ki Senyer BONDYE i deklare: Mon kont ou, Sidon! Mon pou montre mon laglwar parmi zot. Kan mon pou egzekit zizman kont li, Kan mon pou montre mon sentete, tou dimoun pou konnen ki mwan menm SENYER.

Ezekyel 29:10

Akoz sa, mon pou pran aksyon kont ou ek ou bann larivyer. Mon pou fer Lezip vin zis en ta debri. Sa pei pou vin en dezer depi Migdol ziska Aswann lo frontyer Letyopi.

Ezekyel 38:3

Dir li: La sa ki Senyer BONDYE i deklare: Mon kont ou, Gog, gran sef pep Mesek ek Toubal.

Ezekyel 5:8

Alor, la sa ki Senyer BONDYE i deklare: Mwan menm, mon pou tourn kont ou! Mon pou egzekit mon zizman kont ou devan tou bann nasyon.

Mise 4:11

Aprezan, bokou nasyon in rasanble kont ou. Zot ki dir: Zerizalenm pou ganny detri, nou ava war spektak larin Siyon.

Nahoum 2:12

Lyon i desir zannimo an morso pour son femel ek son bann piti. I ranpli son kavern avek lavyann son bann viktim ki i'n desire an morso.

Nahoum 3:5

Alor, la sa ki SENYER liniver i deklare: Mon kont ou, mon pou lev ou rob ziska lo ou figir. Mon pou montre bann nasyon ou touni e bann rwayonm ava war ou laont.

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.

Zakari 9:4

Me aprezan, SENYER pou pran tou sa ki i annan. I pou zet son larises dan lanmer; lavil pou ganny devore par dife.

Levanzil dapre Lik 21:25

“Pou annan siny dan soley, dan lalin e dan bann zetwal. Lo later, bann nasyon pou dan detres. Ler zot ava antann tapaz lanmer ek laroul, zot pa pou konnen ki zot pou fer.