Ezekyel 22:4 - Labib An Kreol Seselwa

⁴ Ou koupab pour bann krim ki ou'n komet e ou'n vin enpir akoz bann stati ki ou bann zabitan in fer. Ou'n rakoursi ou lavi; ou destriksyon i pros. Alor, mon'n kouver ou avek laont devan lezot nasyon. Tou nasyon pe gognard ou.

Ezekyel 22:4 ပူးပေါင်းရင်းမြစ်များ

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

2 Rwa 21:16

Manase ti osi fer koule bokou disan inosan ziska ki i ti ranpli Zerizalenm antye, san kont bann pese ki i ti fer Zida komet. Annefe, i ti pous pep Izrael fer sa ki mal devan SENYER.

2 Kronik 7:20

alor, mon pou derasin zot lo sa later ki mon'n donn zot. Sa tanp ki mon'n konsakre pour mon loner, mon pou rezet li lwen, e fer li vin en lobze ki bann nasyon pou servi pour gway Izrael.

Psonm 79:4

Nou ganny ensilte par bann nasyon vwazen; zot gognard nou, zot riy nou.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Ezekyel 16:57

Sa ti avan ki ou bann move mers ti ganny dekouver. Aprezan ki ou'n vin parey zot, i ou tour ganny maltrete par bann fiy Edonm ek tou son bann vwazen, bann fiy Filisten, dan tou bann zalantour kot zot deteste ou.

Ezekyel 21:28

Ekoute! Ou ki en imen, anons mon parol avek bann Amonit konsernan bann lensilt: La sa ki Senyer BONDYE i deklare: Lepe! Lepe i pare pour touye; i'n byen fite pour masakre e fer zekler.

Ezekyel 22:2

Ou ki en imen! Eski ou pou zize? Pa ou devre ziz sa lavil kriminel e fer li konn son bann aksyon degoutan?

Ezekyel 23:32

La sa ki Senyer BONDYE i deklare: Ou pou bwar menm lakoup avek ou ser, en lakoup byen larz e byen fon. Ou pou ganny riye e gognarde, akoz ou lakoup i byen plen.

Ezekyel 23:7

Ohola ti livre son lekor avek tou sa bann zonm Asiriyen enportan. Dan son pasyon i ti al avek zot, ador bann zidol Asiriyen e rann li enpir.

Ezekyel 24:7

Disan ki Zerizalenm in fer koule, i'n reste dan lavil. I'n koul lo ros, pa dan later, ni kot i pou ganny kouver avek lapousyer.

Ezekyel 24:8

Pour provok mon lakoler, pour vanze, mon'n kit sa disan ankor vif lo ros, san ki personn i kouver li.

Ezekyel 36:15

Mon pa pou les ou antann bann ensilt bann nasyon, ni bann parol mepri bann pep; ou pa pou les ou nasyon tonbe. Senyer BONDYE ki'n deklare.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Levitik 26:32

Mon pou devaste pei. Zot bann lennmi ki ava vin reste la, ava etonnen.

Nonm 32:14

Aprezan, zot desandan sa bann zonm peser, zot oule swiv legzanp zot zanset? Zot pare pour fer lakoler SENYER tonm pli for lo pep Izrael?

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.

Deterononm 29:24

Alor, tou bann nasyon ava demande: Akoz SENYER in fer sa avek sa pei? Kwa ki'n fer monte en si gran lakoler?

1 Tesalonisyen 2:16

Annefe, zot in esey anpes nou anons avek bann ki pa Zwif sa mesaz ki pou sov zot. Konmsa, zot in kontinyen ranpli zot avek pese e zot in menm depas limit. Ensi, lakoler Bondye in finalman tonm lo zot.