Ezekyel 2:8 - Labib An Kreol Seselwa

⁸ Me ou ki en imen, ekout sa ki mon pou dir ou: Pa bezwen ki ou revolte kont mwan parey sa pep rebel. Ouver ou labous e manz sa ki mon pou donn ou.

Ezekyel 2:8 ပူးပေါင်းရင်းမြစ်များ

Psonm 105:28

Bondye ti fer teneb vini e fernwanr ti tonm partou. Personn pa ti opoz son parol.

Ezai 50:5

Senyer BONDYE in ouver mon zorey e mon pa'n revolte. Mon pa ti rekile.

Ezai 8:11

Lanmen SENYER ti sezi mwan e averti mwan pa swiv semen ki sa pep in pran.

Zeremi 13:2

Alor, mon ti al aste en sang latwal, parey SENYER ti'n dir mwan e mon ti met li otour mon leren.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Ezekyel 12:2

Ou ki en imen, ou ki viv parmi en pep rebel, zot annan lizye pour war, me zot pa war. Zot annan zorey pour antann, me zot pa tande; zot en pep rebel.

Ezekyel 12:7

Mon ti sorti avek mon bagaz parey SENYER ti'n ordonn mwan: Mon ti fer sorti mon bagaz lizour, koman en egzile; aswar, mon ti fer en trou dan miray avek mon prop lanmen. Mon ti met mon bagaz lo mon zepol devan zot e mon ti sorti dan fernwanr.

Ezekyel 3:10

I ti dir mwan ankor, “Ou ki en imen, ouver gran ou zorey e ekout tou bann parol ki mon pou dir ou.

Ezekyel 33:7

Alor, ou ki en imen, mon plas ou koman santinel pour pep Izrael. Ou devre ekout mon parol, e pas zot lavertisman ki sorti kot mwan.

Ezekyel 40:4

Sa zonm ti dir mwan: Ou ki en imen, ouver byen gran ou lizye ek ou zorey. Port atansyon avek tou sa ki mon pou fer ou war. Pour sa rezon ki ou isi, pour al anons tou sa ki ou pou war, avek pep Izrael.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Zonas 1:3

Me Zonas ti sove pour li al Tarsis, lwen devan prezans SENYER. I ti desann Zafa e pran en bato ki ti pe al Tarsis. I ti pey son pasaz e anbark lo bato avek lekipaz pour al Tarsis, lwen avek prezans SENYER.

Nonm 20:24

Aaron pe al mor; i pa pou antre dan pei ki mon'n promet zot. Tou le de, zot ti revolte kont mwan konsernan delo Meriba.

1 Pyer 5:3

Pa rod pour domin lo bann ki'n ganny konfye anba zot responsabilite; me zot devre vin en model pour troupo.

Revelasyon 10:9

Mon ti apros sa lanz e mon ti demann li sa pti liv. I ti dir mwan: Pran sa liv e manze; i pou anmer dan ou lestoma, me dan ou labous i pou dou koman dimyel.