Ezekyel 2:5 - Labib An Kreol Seselwa

⁵ Si zot ekoute oubyen zot refize ekoute, omwen, zot ava konnen ki i annan en profet parmi zot. Annefe, zot en pep rebel.

Ezekyel 2:5 ပူးပေါင်းရင်းမြစ်များ

2 Rwa 5:8

Ler Elize, profet Bondye, ti tande ki lerwa Izrael in desir son lenz, i ti anvoy sa mesaz kot lerwa: Akoz ou'n desir ou lenz? Les li vin kot mwan pour li konnen ki i annan en profet dan Izrael.

Zeremi 36:21

Alor, lerwa ti anvoy Yeoudi sers sa liv roulo. Yeoudi ti al pran dan lasal Elisama, sekreter lakour. Devan lerwa ek bann zofisye ki ti pe debout otour li, Yeoudi ti lir sa ki ti'n ekri.

Zeremi 42:19

SENYER in dir ou, restan lepep ki dan Zida: Pa al Lezip. Sa i en lavertisman serye ki zot gannyen ozordi.

Ezekyel 12:9

Ou ki en imen! Pep Izrael, sa pep rebel, pa'n demann ou: Ki ou pe fer?

Ezekyel 17:12

Demann sa bann rebel si zot konnen ki savedir sa parabol. Dir zot lerwa Babilonn ti al Zerizalenm kot i ti pran prizonnyen son lerwa ek bann sef pour anmenn zot avek li Babilonn.

Ezekyel 2:7

Ou ava repet parol ki mon dir ou, menm si zot ekoute oubyen pa ekout ou, akoz zot en pep rebel.

Ezekyel 24:3

Rakont sa parabol devan sa pep rebel. Dir zot: La sa ki Senyer BONDYE i deklare: Prepar en marmit, met li lo dife. Ranpli li avek delo.

Ezekyel 3:19

Me si ou averti en malfeter son fot, e i pa abandonn son move lavi, i pou mor dan son pese. Me ou, ou ava sov ou lavi.

Ezekyel 3:26

Mon pou fer ou lalang kol dan ou pale; ou pa pou kapab koze pour remontrans zot, akoz zot en pep rebel.

Ezekyel 3:27

Me kan mon koz avek ou, mon pou ouver ou labous e ou ava dir zot: La sa ki Senyer BONDYE i deklare: Sa enn ki oule tande! Tande! Sa enn ki oule refize tande, pa ekoute, akoz zot en pep rebel.

Ezekyel 33:33

Kan sa i arive, akoz i pre pou arive, zot ava konnen ki ti annan en profet parmi zot.

Ezekyel 33:9

Par kont, si ou averti li e fer li sanz son konportman, me i pa fer li, i pou mor akoz son fot. Me ou, ou ava sov ou lavi.

Ezekyel 44:6

Dir sa bann rebel, pep Izrael: La sa ki Senyer BONDYE i deklare: Izrael, mon'n ganny ase avek ou bann pratik degoutan.

Levanzil dapre Zan 15:22

Si mon pa ti'n vin koz avek zot, zot pa ti pou koupab pour zot pese. Me aprezan zot nepli annan okenn leskiz pour zot pese.

Akt de Zapot 13:46

Alor, Pol ek Barnabas ti dir avek konviksyon, “I ti neseser ki Parol Bondye i ganny anonse avek zot an premye. Me akoz zot rezet li e ki zot pa konsider zot diny pour lavi eternel, alor, aprezan nou tourn nou ver bann non-Zwif.

Romen 3:3

I vre ki serten parmi zot pa ti reste fidel. Alor, eski Bondye ava arete fidel, akoz zot in vin enfidel?