Ezekyel 2:4 - Labib An Kreol Seselwa

⁴ Mon pe anvoy ou kot sa pep antete e ki annan leker dir. Dir zot: La sa ki Senyer BONDYE i deklare:

Ezekyel 2:4 ပူးပေါင်းရင်းမြစ်များ

1 Rwa 22:14

Mise ti reponn, “SENYER i vivan; sa ki SENYER ava dir mwan, mon pou anonse.”

2 Kronik 30:8

Aprezan, aret antete parey zot zanset, me soumet zot anver SENYER; vin dan son sanktyer ki i'n konsakre pour touzour. Servi SENYER zot Bondye, pour li detourn kont zot son gran lakoler.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Psonm 95:8

pa andirsi zot leker parey zot ti fer Meriba, parey zot ti fer dan dezer Massa.

Proverb 21:29

Bann malfeter i pran en figir serye; Me sa enn ki drwat i reflesi lo son mannyer fer.

Ezai 48:4

Akoz mon konnen ki zot antete, ki zot likou i red parey en bar fer e zot fron i an bronz,

Zeremi 1:7

Me SENYER ti dir mwan: “Pa dir ki ou tro zenn. Ou pou al partou kot mon pou anvoy ou. Ou pou dir tou sa ki mon pou ordonn ou.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 36:21

Alor, lerwa ti anvoy Yeoudi sers sa liv roulo. Yeoudi ti al pran dan lasal Elisama, sekreter lakour. Devan lerwa ek bann zofisye ki ti pe debout otour li, Yeoudi ti lir sa ki ti'n ekri.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Ezekyel 3:11

Al kot sa bann egzile, ou pep. Menm si zot ekoute oubyen zot refize ekoute, dir zot: La sa ki Senyer BONDYE i deklare.”

Ezekyel 3:27

Me kan mon koz avek ou, mon pou ouver ou labous e ou ava dir zot: La sa ki Senyer BONDYE i deklare: Sa enn ki oule tande! Tande! Sa enn ki oule refize tande, pa ekoute, akoz zot en pep rebel.

Ezekyel 3:4

I ti dir mwan, “Ou ki en imen, al kot pep Izrael e repet parol ki mon pou dir ou.

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Amos 7:15

Me SENYER ti pran mwan deryer mon troupo e i ti dir mwan: Al anons mon parol avek mon pep Izrael.”

Zakari 7:12

Zot ti andirsi zot leker parey granit, pour zot pa ekout lalwa e bann parol ki SENYER liniver ti anvoye par son souf, par lentermedyer bann ansyen profet. Sa ti fer SENYER liniver pran en gran lakoler.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.

Deterononm 10:16

Alor, fer sirkonsi zot leker e aret retif.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!