Ezekyel 2:1 - Labib An Kreol Seselwa

¹ I ti dir mwan: Ou ki en imen, debout! Mon oule koz avek ou.

Ezekyel 2:1 ပူးပေါင်းရင်းမြစ်များ

Psonm 8:4

ki zonm i ete, pour ki ou mazin li e en imen pour ou pran swen avek li?

Ezekyel 1:28

Sa lalimyer otour li ti parey en larkansyel dan nyaz apre en zour lapli. I ti reflekte laglwar SENYER. Kan mon ti war sa, mon ti tonm lafas ater e mon ti antann en lavwa.

Ezekyel 12:3

Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.

Ezekyel 13:2

Ou ki en imen, profetiz kont bann profet Izrael, profetiz kont tou bann profet ki koz lo zot prop non: Ekout parol SENYER!

Ezekyel 14:13

Ou, ki en imen, ekoute! Kan zabitan en pei i fer pese kont mwan e zot enfidel anver mwan, mon pou azir kont zot. Mon pou detri zot sours manze e anvoy lafanmin kont zot. Mon pou fer disparet bann imen osi byen ki bann zannimo.

Ezekyel 14:3

Ou ki en imen, ekoute! Sa bann zonm ki gard zot zidol dan zot leker. Zot zis plas en lobstak devan zot; zot fot pou fer zot tonbe. Eski mon pou les zot konsilte mwan?

Ezekyel 15:2

Ou ki en imen, reponn! Ki mannyer dibwa pye rezen i diferan avek lezot dibwa? Eski son brans i annan plis valer ki brans lezot pye dibwa dan lafore?

Ezekyel 16:2

Ou ki en imen, fer Zerizalenm konn son bann pratik degoutan!

Ezekyel 17:2

Ou ki en imen, propoz en parabol. Rakont pep Izrael.

Ezekyel 2:3

I ti dir mwan: Ou ki en imen, mon pe anvoy ou kot bann Izraelit, ver bann rebel ki'n revolte kont mwan; zot ek zot bann zanset in revolte ziska ozordi.

Ezekyel 2:6

Alor, ou ki en imen, pa per zot, ni parol ki zot dir; ou antoure avek zarbis rons ek pikan, oubyen asiz lo bann skorpyon. Me pa per sa ki zot dir, ni les lekspresyon zot figir efrey ou, akoz zot en ras rebel.

Ezekyel 2:8

Me ou ki en imen, ekout sa ki mon pou dir ou: Pa bezwen ki ou revolte kont mwan parey sa pep rebel. Ouver ou labous e manz sa ki mon pou donn ou.

Ezekyel 20:3

Ou ki en imen, koz avek bann ansyen dan Izrael: La sa ki Senyer BONDYE i deklare: Akfer zot in vin konsilte mwan? Me osi vre ki mon vivan, mwan Senyer BONDYE mon deklare, mon pa pou les zot konsilte mwan.

Ezekyel 3:1

I ti dir mwan, “Ou ki en imen, manz sa. Manz sa roulo e al koz avek pep Izrael.”

Ezekyel 3:10

I ti dir mwan ankor, “Ou ki en imen, ouver gran ou zorey e ekout tou bann parol ki mon pou dir ou.

Ezekyel 3:17

Ou ki en imen, mon'n etabli ou koman en gardyen lo pep Izrael. Sak fwa ou antann en parol sorti dan mon labous, ou ava transmet pep Izrael mon lavertisman.

Ezekyel 3:4

I ti dir mwan, “Ou ki en imen, al kot pep Izrael e repet parol ki mon pou dir ou.

Ezekyel 37:3

I ti dir mwan, “Ou ki en imen, eski sa bann lezo, i kapab reviv?” Mon ti reponn, “Senyer BONDYE, zis ou ki konnen!”

Ezekyel 4:1

Ou ki en imen, pran en brik e plas li devan ou. Desin en lavil lo la, lavil Zerizalenm.

Ezekyel 40:4

Sa zonm ti dir mwan: Ou ki en imen, ouver byen gran ou lizye ek ou zorey. Port atansyon avek tou sa ki mon pou fer ou war. Pour sa rezon ki ou isi, pour al anons tou sa ki ou pou war, avek pep Izrael.

Ezekyel 43:18

Apre, i ti dir mwan: Ou ki en imen, la sa ki Senyer BONDYE i deklare: La bann regleman pour lotel: Zour ki lotel i ganny konstri pour ofer bann sakrifis konplet e pour laspersyon disan,

Ezekyel 5:1

Ekoute, ou ki en imen! Pran en lepe byen koupe. Servi li koman en razwar; raz ou seve ek ou labarb. Pez sa seve lo en balans e partaz li an trwa porsyon.

Ezekyel 7:2

Ou ki en imen, ekout sa ki mwan, Senyer BONDYE, mon deklare avek pep Izrael: I'n fini! Lafen in arive, maler i dan kat kwen pei.

Danyel 10:11

I ti dir mwan, “Danyel, ou ki Bondye i kontan, ekout byen sa bann parol ki mon pe al dir ou. Debout, akoz mon'n ganny anvoye kot ou.” Ler i ti dir mwan sa bann parol, mon ti leve an tranblan.

Danyel 10:19

I ti dir mwan, “Pa per, ou ki Bondye i kontan, reste trankil! Reste for! Pran kouraz!” Letan i ti pe koz avek mwan, mon ti reganny lafors e mon ti dir, “Koze, mon senyer, ou'n redonn mwan lafors.”

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Matye 17:7

Zezi ti vin kot zot; i ti tous zot e dir, “Leve! Pa per.”

Levanzil dapre Zan 3:13

Personn pa'n deza mont dan lesyel, eksepte Fis-de-Lonm ki'n desann sorti dan lesyel.

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

Akt de Zapot 26:16

Leve debout! Mon'n aparet avek ou pour fer ou vin mon serviter; pour ou vin en temwen pour rakonte ki mannyer ou'n war mwan ozordi e anons tou sa ki mon pou montre ou.

Akt de Zapot 9:6

Me leve, al dan lavil e la, ou ava ganny dir tou sa ki ou annan pour fer.