Ezekyel 19:4 - Labib An Kreol Seselwa

⁴ Bann nasyon ti antann koz lo li e zot ti pri li dan zot latrap. Zot ti anmenn li Lezip avek en lanmson dan son nennen.

Ezekyel 19:4 ပူးပေါင်းရင်းမြစ်များ

2 Rwa 23:31

Yoakaz ti annan 23 an le kan i ti vin lerwa. I ti renny trwa mwan Zerizalenm. Son manman ti apel Hamoutal, fiy Zeremi, en zabitan Libna.

2 Kronik 36:4

I ti met Elyakim, frer Yoakaz, koman lerwa Zida ek Zerizalenm e sanz son non an Yoyakim. Kanta Yoakaz, son frer, Neko ti anmenn li Lezip.

2 Kronik 36:6

Naboukodonozor, lerwa Babilonn, ti atak Yoyakim e anmenn li koman prizonnyen. I ti anmar li dan lasenn e anmenn li Babilonn.

Zeremi 22:18

Alor, la sa ki SENYER i deklare kont Yoyakim, garson Zosyas, lerwa Zida: Personn pa pou regret son lanmor, oubyen dir: Maler pour ou, mon frer! Maler pour ou mon ser! Personn pa pou plere oubyen kriye: Maler pour mon met! Maler pour lerwa!

Ezekyel 19:3

I ti dres enn son piti, ki ti vin en zenn lyon. I ti aprann ki mannyer atrap en zannimo; e i ti devor dimoun.

Ezekyel 19:5

Kan sa femel lyon ti war ki i ti'n esper anven, i ti perdi lespwar. I ti dres en lot parmi son bann piti e fer li vin en zenn lyon.