Ezekyel 16:3 - Labib An Kreol Seselwa

³ Ou ava dir: La sa ki Senyer BONDYE i deklare avek Zerizalenm: Ou sorti dan Kanaan kot ou ti ne; ou papa ti en Amorit e ou manman ti en Hitit.

Ezekyel 16:3 ပူးပေါင်းရင်းမြစ်များ

Zenez 11:25

Apre nesans Tera, Nahor ti viv ankor 119 an. I ti ganny ankor lezot garson ek fiy.

Zenez 11:29

Abranm ti marye avek Sarai e Nahor ti marye avek Milka, fiy Harann ki ti osi papa Yiska.

Zenez 15:16

Katriyenm zenerasyon ou desandans pou retourn isi, akoz kriyote bann Amorit pa ankor ariv lo son nivo.”

1 Rwa 21:26

I ti komet bann aksyon degoutan e ador bann zidol, parey bann Amorit ki Bondye ti detri devan pep Izrael.

2 Rwa 21:11

Akoz Manase, lerwa Zida, in komet bann aksyon degoutan; akoz in fer pli mal ki sa bann Amorit ti fer avek zot; akoz in fer Zida komet pese par son bann zidol,

Esdras 9:1

Apre sa bann levennman, bann sef Izraelit ti apros mwan. Zot ti dir: Pep Izrael, bann pret ek bann levit pa ti reste separe avek bann zabitan sa bann pei. Zot in swiv bann pratik degoutan bann Kananeen, Hitit, Perizit, Zebizit, Amonit, Moabit, Ezipsyen, ek Amorit.

Nehemi 9:7

Ou menm SENYER, Bondye, ki ti swazir Abranm, ki ti fer li sorti Our, dan pei bann Kaldeen. I ti donn li non Abrahanm.

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 43:27

Ou bann premye paran ti fer pese; ou bann sef ti revolte kont mwan.

Ezekyel 16:2

Ou ki en imen, fer Zerizalenm konn son bann pratik degoutan!

Ezekyel 16:4

Kan ou ti ne, personn pa ti koup ou lonbri, personn pa ti lav ou avek delo, ni frot ou avek disel, ni anvlop ou dan en drapo.

Ezekyel 16:45

Ou vreman fiy ou manman ki ti ay son mari ek son prop zanfan. Ou vreman parey ou bann ser ki ti annan laenn pour zot mari ek zot zanfan. Ou manman ti en Hitit e ou papa en Amorit.

Ezekyel 21:30

Remet ou lepe dan son fouro! Mon pou ziz ou la kot ou ti ganny kree, dan pei kot ou sorti.

Matye 11:24

Pour sa rezon, mon dir zot ki zour zizman, Sodonm pou ganny trete mwen severman ki zot.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Levanzil dapre Lik 3:7

Zan ti dir avek sa lafoul ki ti vin kot li pour ganny batize, “Ras viper ki zot ete! Lekel ki'n montre zot koman sov lakoler ki pou vini?

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

Deterononm 20:17

Hitit, Amorit, Kananeen, Perizit, Hivit, Zebizit, ou pou detri zot tou, parey SENYER, ou Bondye in ordonn ou.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Zozye 13:4

depi dan Sid, pei antye bann Kananeen, depi Meara ki propriyete bann Sidonit, ziska Afeka, ziska frontyer bann Amorit;

Zozye 24:14

Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.