Ezekyel 15:2 - Labib An Kreol Seselwa

² Ou ki en imen, reponn! Ki mannyer dibwa pye rezen i diferan avek lezot dibwa? Eski son brans i annan plis valer ki brans lezot pye dibwa dan lafore?

Ezekyel 15:2 ပူးပေါင်းရင်းမြစ်များ

Kantik Salomon 2:13

Premye fri i aparet lo pye fig, bann pye rezen in fleri; zot pe konmans anvoy zot parfen. Mon seri! Leve! Mabel! Vini!

Kantik Salomon 2:15

Atrap bann renar pour nou, bann pti renar ki ravaz nou plantasyon rezen, kan nou plantasyon rezen i an fler.

Kantik Salomon 6:11

Mon'n desann dan zarden bann zarbis fri, pour war bann zenn plant pouse dan vale, pour war si bann pye rezen pe bourzonnen, si bann pye grenad pe fleri.

Kantik Salomon 7:12

Granmaten, nou ava al dan bann plantasyon rezen pour war si zot in bourzonnen, si bann fler in ouver, si bann grenad pe fleri. La, mon ava kares ou.

Ezai 44:23

Lesyel sant bann kantik lazwa akoz SENYER in azir. Profonder later! Fer monte ou lazwa. Bann montanny! Fer tande zot selebrasyon; lafore osi avek tou ou bann pye dibwa: SENYER in sov Zakob; i'n montre son laglwar dan Izrael. Akoz SENYER i'n sov Zakob e in manifeste son laglwar dan Izrael.

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Ezekyel 15:1

SENYER ti koz avek mwan:

Ezekyel 15:3

Eski son dibwa i ganny servi pour okenn louvraz? Eski i kapab ganny servi pour fer en krok pour met anpandan okenn lobze?

Ezekyel 19:12

Me i ti ganny derasinen avek lakoler e ganny zet ater. Divan sorti dan Les ti fer li sek e son bann fri ti degrennen. Son bann brans byen for ti ganny detri par dife.

Oze 10:1

Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Zakari 11:2

Bann pye sipre i plere, akoz bann pye sed in tonbe, akoz bann zoli pye dibwa in ganny detri.