Ezekyel 14:3 - Labib An Kreol Seselwa

³ Ou ki en imen, ekoute! Sa bann zonm ki gard zot zidol dan zot leker. Zot zis plas en lobstak devan zot; zot fot pou fer zot tonbe. Eski mon pou les zot konsilte mwan?

Ezekyel 14:3 ပူးပေါင်းရင်းမြစ်များ

Ezekyel 14:7

Akoz sa, kan en dimoun parmi pep Izrael, oubyen en etranze ki reste dan pei Izrael, ki'n abandonn mwan, e ki gard son zidol dan son leker e plas en lobstak par son fot, ki vin konsilte mwan atraver en profet, mwan SENYER ki pou reponn li.

Ezekyel 7:19

Zot pou zet zot larzan dan lari e zot lor pa pou annan plis valer ki salte, akoz ni zot larzan, ni zot lor pa pou kapab sov zot, zour SENYER ava montre son lakoler. Zot pou napa ase manze pour satisfer zot lapeti, zot vant pou reste vid. Zot lor ek zot larzan ki'n fer zot tonm dan pese.

Ezekyel 20:16

Akoz zot ti rezet mon bann regleman, zot pa'n obei mon bann lalwa e zot pa'n gard mon saba. Zot in prefere ador bann zidol.

Ezekyel 20:3

Ou ki en imen, koz avek bann ansyen dan Izrael: La sa ki Senyer BONDYE i deklare: Akfer zot in vin konsilte mwan? Me osi vre ki mon vivan, mwan Senyer BONDYE mon deklare, mon pa pou les zot konsilte mwan.

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Ezekyel 14:4

Alor koz avek zot e dir zot: La sa ki Senyer BONDYE i deklare: Dimoun parmi pep Izrael ki gard son bann zidol dan son leker, ki plas devan li en lobstak ki pou fer li tonbe par son fot, si i vin war profet, mwan SENYER ki pou reponn li kan i vini, akoz son kantite zidol.

Ezekyel 44:12

Me akoz zot ti servi devan bann zidol e zot in fer pep Izrael tonm dan pese, mon ti fer en serman kont zot, ki zot ava port konsekans zot pese. Senyer BONDYE ki'n deklare.

Ezekyel 20:31

Menm aprezan, kan zot ofer sakrifis zot bann zanfan ki zot brile dan dife devan bann zidol, zot rann zot enpir. Pep Izrael! Zot krwar mon pou les zot konsilte mwan? Osi vre ki mon vivan, mon pa pou les zot konsilte mwan, Senyer BONDYE i deklare.

Proverb 28:9

Sa enn ki bous son zorey pour li pa antann sa ki lalwa i dir, menm son lapriyer i donn degou.

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 11:21

Me bann ki zot leker i reste atase avek bann pratik degoutan ek bann lobze degoutan, zot pou sibir konsekans zot prop aksyon. Mwan Senyer BONDYE ki deklare.

Zeremi 11:11

Akoz sa, la sa ki SENYER, i deklare: Mon pou fer en maler tonm lo zot e zot pa pou kapab sape. Zot ava apel mwan; mon pa pou ekout zot.

Proverb 15:29

SENYER i reste lwen avek bann malfeter; me i ekout lapriyer sa enn ki zis.

1 Samyel 28:6

Sail ti konsilte SENYER, me SENYER pa ti reponn li, ni par rev, ni par Ourim, ni par bann profet.

Efezyen 5:5

Zot devre konnen ki napa personn ki pe anmenn en lavi imoral, sal, e avar (lavaris se idolatri) ki pou ganny en plas dan Rwayonm Kris ek Bondye.

Levanzil dapre Lik 20:8

Alor, Zezi ti dir zot, “Mwan osi mon pa pou dir zot par ki lotorite mon fer sa bann keksoz.”

Zakari 7:13

La sa ki SENYER liniver i deklare: Parey zot pa ti ekout mwan kan mon ti apel zot, mwan osi, mon pou refize reponn zot kan zot ava apel mwan.

Sofoni 1:3

Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Ezekyel 3:20

Si en dimoun zis i abandonn sa ki byen e konmans pratik sa ki mal, mon pou plas en pyez dan son semen. I pou mor. Si ou pa averti li son danze, i pou mor dan son pese. Son bann bon aksyon pase pa pou servi li; me ou, mon pou fer ou rann kont son lanmor.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Proverb 21:27

Sakrifis bann malfeter i degoutan; anplis, zot ofer li avek move lentansyon.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Psonm 101:3

Mon pa pou get nanryen ki napa valer. Mon pou deteste fason fer bann ki egare. Zot pa pou annan nanryen pour fer avek mwan.

Psonm 66:18

Si mon ti'n gard mesanste dan mon leker, SENYER pa ti pou ekout mwan.

2 Rwa 3:13

Elize ti dir lerwa Izrael, “Mon napa nanryen pour fer avek ou. Al konsilte bann profet ou papa ek profet ou manman.” Me lerwa Izrael ti dir li, “Non! SENYER ki'n konvok sa trwa lerwa pour livre zot dan lanmen Moab.”

Ezekyel 14:2

Alor, SENYER ti koz avek mwan:

Ezekyel 33:30

Me ou ki en imen, ekoute: Ou bann prop dimoun pe koz lo ou e pe dir avek kanmarad tou dilon bann miray e devan laport zot lakaz: Vin ekout parol ki SENYER i dir.

Oze 4:5

An plen zour, ou pou tonbe. Bann profet ki kot ou, pou osi tonbe pandan lannwit. Mon pou detri ou manman.

Zeremi 21:2

Konsilte SENYER pour nou, akoz Naboukodonozor, lerwa Babilonn, pe fer lager kont nou. Kekfwa SENYER ava fer en mirak dan nou faver e fer Naboukodonozor sorti kot nou.