Ezekyel 13:9 - Labib An Kreol Seselwa

⁹ Mon pou montre mon pwisans kont sa bann profet ki envant vizyon e fer prediksyon bann mansonz. Pa pou annan plas pour zot dan lasanble mon pep; zot pa pou form parti pep Izrael; zot pa pou ni antre lo later Izrael. Konmsa, zot ava konnen ki mwan menm Senyer BONDYE.

Ezekyel 13:9 ပူးပေါင်းရင်းမြစ်များ

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Esdras 2:59

La bann ki ti sorti Tel-Mela, Tel-Harsa, Keroub-Adann, ek Imer, e ki pa ti kapab prouve dan ki fanmir zot sorti, zot zanset e ki zot form parti Izrael:

Nehemi 7:62

Dan bann desandan Delaya, Tobiya, Nekoda: 642.

Nehemi 7:64

Zot ti rod zot zanset dan lalis bann fanmir, san okenn sikse. Zot ti ganny anpese servi koman pret.

Psonm 101:7

Sa enn ki tronp dimoun pa pou reste dan mon lakaz. Napa plas dan mon lakaz pour sa enn ki tronp son prosen. Bann manter pa pou kontinyen reste dan mon prezans.

Psonm 69:28

Efas zot non dan liv lavi! Pa kont zot parmi bann zis!

Psonm 69:5

Mon Bondye! Devan ou, mon tor pa en sekre; ou konn byen tou mon bann pese.

Psonm 87:6

SENYER i fer lalis bann pep. I note: Sa enn, i'n ne laba.

Psonm 95:11

Alor, dan mon lakoler, mon ti fer sa serman: Zot pa pou antre dan mon repo.

Ezai 4:3

Alor, sa ki'n reste Siyon, bann sirvivan dan Zerizalenm pou ganny apele sen. Tou sa bann ki zot non i'n ganny anrezistre pou kapab viv dan Zerizalenm.

Zeremi 14:15

Pour sa rezon, la sa ki SENYER i deklare: Konsernan bann profet ki mon pa'n anvoye, me ki pe koz an mon non e ki dir ki pou napa ni lager ni lafanmin, mon pou detri zot par lager e par lafanmin.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 23:20

Sa lakoler SENYER pa pou arete ziska ki SENYER in akonpli tou sa ki i ti annan lentansyon fer. Plitar, zot ava konpran tousala.

Zeremi 4:9

Kan sa zour pou arive, SENYER i deklare, lerwa ek son bann zofisye pou perdi kouraz; bann pret pou soke, e bann profet pou reste etonnen.

Ezekyel 11:10

Mon pou ziz teritwar Izrael e fer ou ganny masakre. Alor, ou ava konnen ki mwan menm SENYER.

Ezekyel 12:20

Bann lavil kot i annan zabitan pou ganny devaste e pei pou tonm anrin. Alor, zot ava konnen ki mwan menm SENYER.

Ezekyel 13:14

Mon pou fer degrengole sa miray ki ou'n blansi avek laso; mon pou aplati li e met son fondasyon deor dan kler. Mon pou fer zot disparet parmi son bann debri. Konmsa, zot ava konnen ki mwan menm SENYER.

Ezekyel 13:23

Aprezan, zot pou nepli ganny sa bann fo vizyon, ni bann prediksyon. Mon pou delivre mon pep ki anba zot pouvwar. Alor, zot ava konnen ki mwan menm SENYER.

Ezekyel 20:38

Mon pou tir parmi zot, bann ki rebel e ki dezobei mwan; mon pou tir zot dan pei kot zot reste, me zot pa pou antre dan pei Izrael. Konmsa, zot ava konnen ki mwan menm SENYER.

Danyel 12:1

Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Oze 4:5

An plen zour, ou pou tonbe. Bann profet ki kot ou, pou osi tonbe pandan lannwit. Mon pou detri ou manman.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Mise 3:5

La sa ki SENYER i deklare kont bann profet ki'n egar mon pep: Lape, kan zot annan keksoz pour manze. Me zot deklar lager kont sa bann ki pa donn zot manze.

Mise 3:6

Pour sa rezon, lannwit pou tonm lo zot. Zot pa pou ganny okenn vizyon ankor. Fernwanr pou tonm lo zot san revelasyon ankor. Soley pou kous lo sa bann profet: Lizour, zot pou dan fernwanr.

Levanzil dapre Lik 10:20

Malgre sa, pa rezoui akoz bann lespri in soumet avek zot; me rezoui plito akoz zot non in ganny ekri dan lesyel.”

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.

Ebre 12:23

Zot, zot in vin dan lasanble bann garson premye ne ki'n ganny anrezistre dan lesyel. Zot in apros Bondye ki ziz tou dimoun, e avek lespri bann zonm zis, ki'n ariv ziska perfeksyon.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.