Ezekyel 12:3 - Labib An Kreol Seselwa

³ Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.

Ezekyel 12:3 ပူးပေါင်းရင်းမြစ်များ

Psonm 81:13

Mon ti ava kontan si mon pep ti ekout mwan, si Izrael ti swiv mon semen!

Zeremi 10:17

Zerizalenm! Ou bann lennmi in anserkle ou. Ranmas ou pake.

Zeremi 26:3

Petet, enn apre lot, lepep ava ekoute e sanz zot move mannyer fer. Alor, mon pa ava detri zot parey mon ti'n deside, pour zot bann move mannyer fer.

Zeremi 27:2

La sa ki SENYER i deklare: Prepar bann sang an kwir ek bann bar dibwa ki ou ava met lo ou likou.

Zeremi 36:3

Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Ezekyel 12:7

Mon ti sorti avek mon bagaz parey SENYER ti'n ordonn mwan: Mon ti fer sorti mon bagaz lizour, koman en egzile; aswar, mon ti fer en trou dan miray avek mon prop lanmen. Mon ti met mon bagaz lo mon zepol devan zot e mon ti sorti dan fernwanr.

Ezekyel 3:26

Mon pou fer ou lalang kol dan ou pale; ou pa pou kapab koze pour remontrans zot, akoz zot en pep rebel.

Ezekyel 3:27

Me kan mon koz avek ou, mon pou ouver ou labous e ou ava dir zot: La sa ki Senyer BONDYE i deklare: Sa enn ki oule tande! Tande! Sa enn ki oule refize tande, pa ekoute, akoz zot en pep rebel.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Ezekyel 43:11

Si zot vreman onte pour tou sa ki zot in fer, montre zot plan tanp. Fer zot konn son laranzman, bann antre ek bann sorti, son laform zeneral avek bann regleman, son plan ek bann lalwa. Ekri tousala e met devan zot lizye pour ki zot ava swiv tou bann regleman e met zot an pratik.

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Levanzil dapre Lik 20:13

Alor, propriyeter sa plantasyon rezen ti dir: Ki mon pou fer? Mon pou anvoy zot mon garson ki mon kontan. Petet zot ava montre respe pour li.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

2 Timote 2:25

I devre ansenny son bann ladverser avek douser, dan lespwar ki Bondye ava donn zot lokazyon sanz zot fason viv e konn laverite.