Ezekyel 11:9 - Labib An Kreol Seselwa

⁹ Mon pou sas ou dan Zerizalenm e livre ou dan lanmen bann etranze. Mon pou egzekit mon bann zizman kont ou.

Ezekyel 11:9 ပူးပေါင်းရင်းမြစ်များ

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Esdras 9:7

Depi lepok nou bann zanset ziska ozordi, nou koupab e nou'n komet en gran fot. Akoz nou bann fot ki nou bann lerwa, nou bann pret, nou'n sibir dominasyon bann lerwa etranze, lager, deportasyon, piyaz, ek imilyasyon; rezon akoz nou konmsa ozordi.

Psonm 106:30

Alor, Fineas ti leve e regle sa zafer e sa fleo ti arete.

Psonm 106:41

I ti livre zot dan lanmen bann nasyon etranze e zot bann lennmi ti domin lo zot.

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

Zeremi 29:20

Zot tou ki SENYER ti anvoy annegzil Babilonn depi Zerizalenm! Ekout sa ki SENYER i deklare.

Zeremi 39:6

Lerwa Babilonn ti egorz bann zanfan Sedesyas devan son lizye; i ti osi fer egorz bann sef Zida, Ribla.

Ezekyel 11:7

Alor, la sa ki Senyer BONDYE i deklare: Ou'n fer lavil vin en marmit e bann ki ou'n touye in vin lavyann ladan. Me ou, ou pou ganny sase dan sa lavil.

Ezekyel 16:38

Mon pou kondann ou parey en fanm adilter e bann ki fer koule disan. Dan lakoler ek pasyon zalou, mon pou met ou ansan.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Ezekyel 30:19

Konmsa, ki mon pou egzekit zizman lo Lezip. Alor, zot ava konnen ki mwan menm SENYER.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Ezekyel 5:8

Alor, la sa ki Senyer BONDYE i deklare: Mwan menm, mon pou tourn kont ou! Mon pou egzekit mon zizman kont ou devan tou bann nasyon.

Levanzil dapre Zan 5:27

I'n donn son Garson drwa pour zize, akoz i Fis-de-Lonm.

Romen 13:4

Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.

Let Zid 1:15

I pou egzers son zizman lo tou dimoun. I pou kondann tou bann peser pour tou zot bann move aksyon ki zot in komet, kan zot ti revolte kont Bondye; pour tou zot bann parol lensilt ki zot in dir kont li.