Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezai 9:7 - Labib An Kreol Seselwa

7 Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

အခန်းကိုကြည့်ပါ။ ကော်ပီ




Ezai 9:7
34 ပူးပေါင်းရင်းမြစ်များ  

Ou desandans avek ou rwayonm pour reste pour touzour; mon pou etabli ou tronn pour touzour.


Annefe, dan Zerizalenm pou sorti en restan, dan montanny Siyon en group sirvivan. Par son gran lanmour, SENYER liniver pou fer li.


Demann mwan, e mon ava donn ou tou nasyon e later antye ava vin ou propriyete.


En bourzon ava sorti dan tron Zese, en brans ava sorti dan son rasin.


Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.


I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.


SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.


Annefe, dan Zerizalenm pou sorti en restan; dan montanny Siyon en group sirvivan. Par son gran lanmour, SENYER liniver pou fer li.


La Senyer BONDYE pe vini avek pwisans. Son lebra i donn li tou dominasyon. I anmenn saler son travay e son rekonpans i devan li.


SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.


La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.


Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.


Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.


I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.


Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.


Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.


En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.


Lafoul dimoun ti reponn li, “Nou'n aprann dan Lalwa ki Mesi pou viv pour touzour. Alor, ki mannyer ou kapab dir fodre ki Fis-de-Lonm i ganny eleve? Lekel sa Fis-de-Lonm?”


Me lo size son Garson i deklare: Bondye! Ou tronn in ganny etabli pour touzour. E ankor: Ou renny, i en renny ranpli avek lazistis.


Me akoz Zezi i vivan pour leternite, son saserdos osi i pour touzour.


Answit, mon ti war lesyel ouver, e en seval blan ti aparet. Sa enn ki ti pe mont sa seval, ti apel Fidel e Vre. I zize e konbat avek lazistis.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ