Ezai 9:6 - Labib An Kreol Seselwa

⁶ En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Ezai 9:6 ပူးပေါင်းရင်းမြစ်များ

2 Samyel 7:13

Li menm ki pou konstri en lakaz an mon non, e mon pou etabli son tronn rwayal pour touzour.

2 Samyel 7:16

Ou desandans avek ou rwayonm pour reste pour touzour; mon pou etabli ou tronn pour touzour.

1 Rwa 10:9

Loue SENYER, ou Bondye ki'n swazir ou e plas ou lo tronn Izrael! Akoz SENYER i kontan Izrael pour touzour; i'n etabli ou lerwa, pour ki ou azir dapre ladrwatir ek lazistis.”

1 Rwa 2:33

Zoab ek son desandan ki ava alor anmenn sa responsabilite pour touzour. Alor, David ek son desandan, son fanmir ek tou bann lerwa apre li, ava zouir boner ek lape ki SENYER ava donnen pour touzour.”

1 Rwa 2:45

Me SENYER pou beni mwan e etabli byen ferm tronn David pour touzour.”

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Psonm 45:3

Brav gerye! Atas ou lepe lo ou kote! Sa i fer ou grander ek ou loner.

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.

Psonm 45:7

Ou kontan lazistis e ou deteste sa ki mal. Pour sa rezon, Bondye, ou Bondye, in vers delwil lonksyon lo ou latet. In prefer swazir ou parmi lezot lerwa.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Psonm 72:3

Montanny! Anmenn lape pour lepep. Kolin! Anmenn lazistis!

Psonm 72:7

Lazistis ava fleri pandan son renny. Lape ava dire osi lontan ki lalin i briye.

Psonm 85:10

Labonte ek fidelite ava zwenn ansanm; lazistis ek lape ava anbras kanmarad.

Psonm 89:5

SENYER! Lesyel i selebre ou mervey, e ou fidelite dan lasanble bann sen!

Proverb 8:23

In etabli mwan depi touzour, depi konmansman, avan ki later ti ganny kree.

Ezai 10:21

En restan pou retournen. Leres lepep pou retourn ver Bondye Pwisan Izrael.

Ezai 11:5

Lazistis ava en sang otour son leren; fidelite ava parey en sentir otour son laans.

Ezai 16:5

Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 28:29

Sa metod travay, ou osi aprann avek SENYER liniver. Son konsey i merveye, i ranpli avek lasazes.

Ezai 32:1

Alor, en lerwa pou rennyen dapre lazistis e bann sef pou gouvern dapre lalwa.

Ezai 37:32

Annefe, dan Zerizalenm pou sorti en restan; dan montanny Siyon en group sirvivan. Par son gran lanmour, SENYER liniver pou fer li.

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezai 53:5

Me i ti'n ganny blese, akoz nou bann transgresyon, kraze, akoz nou bann pese. Pinisyon ki donn nou lape in tonm lo li. Par son bann blesir, nou ganny geri.

Ezai 63:16

Pourtan, menm si Abrahanm pa konn nou e Izrael pa rekonnet nou, se ou ki nou papa; Ou menm SENYER ki nou Papa; ou menm nou Sover; sa i ou non depi touzour.

Ezai 66:12

Annefe, la sa ki SENYER i deklare: Mon pou fer son prosperite koule parey en gran larivyer e larises bann nasyon parey en larivyer ki deborde. Ou pou ganny gate e ganny pran dan lebra. Ou pou ganny dorlote lo son zenou.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Ezai 8:18

Mwan, avek bann zanfan ki SENYER in donn mwan, nou koman siny lavertisman pour Izrael, sorti kot SENYER liniver, ki reste lo Montanny Siyon.

Zeremi 31:22

Fiy rebel! Pandan konbyen letan ou pou ankor ezite? SENYER in kre en keksoz nouvo lo later: Fanm ki pou fer lakour avek zonm.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Agze 2:9

Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.

Matye 1:1

Sa i lalis bann zanset Zezi-Kri, desandan David, ki ti li menm en desandan Abrahanm:

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Levanzil dapre Lik 2:11

Ozordi en Sover in ne dan lavil David. Li menm Kris, Senyer.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Levanzil dapre Lik 21:15

Annefe, se mwan ki pou donn zot parol ek lasazes, ki personn parmi zot lennmi pa pou kapab argimante, ni kontredir.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 1:16

Annefe, dan son gran lanmour, nou tou nou'n resevwar lagras annabondans.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Akt de Zapot 10:36

Zot konnen ki Bondye in anvoy son mesaz pour pep Izrael pour anons Bonn Nouvel lape par Zezi-Kri; li menm ki Senyer pour tou dimoun.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Romen 9:5

Zot desandan bann patriars, e Kris, koman en imen, i fer parti zot pep; i par lao tou. Bondye ava ganny loue pour touzour. Amenn.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

1 Korentyen 15:25

Annefe, fodre ki Kris i rennyen ziska ki i'n met tou son bann lennmi anba son lipye.

2 Korentyen 5:19

Annefe, par Kris, Bondye in fer tou dimoun rekonsilye avek li menm, san tenir kont zot pese. E i'n konfye nou son Parol rekonsilyasyon.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Kolosyen 2:3

Dan li, tou bann trezor lasazes ek konnesans Bondye in ganny kasyet.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Let Pol pour bann Tit 2:13

Konmsa ki nou devre viv, an atandan sa gran Zour, kan laglwar nou gran Bondye ek nou Sover Zezi-Kri ava aparet.

Ebre 1:8

Me lo size son Garson i deklare: Bondye! Ou tronn in ganny etabli pour touzour. E ankor: Ou renny, i en renny ranpli avek lazistis.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Ziz 13:18

Mesaze SENYER ti reponn li, “Akoz ou demann mwan mon non? I en non etonan.”