Ezai 9:4 - Labib An Kreol Seselwa

⁴ Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Ezai 9:4 ပူးပေါင်းရင်းမြစ်များ

Zenez 27:40

Ou pou viv par ou lepe, e ou pou servi ou frer; me ou pou sape anba son kontrol.

Psonm 125:3

En gouvernman malonnet pa pou touzour domin lo posesyon bann zis. Konmsa, dimoun ki zis pa pou tonm dan lemal.

Psonm 81:6

Mon'n tir fardo ki ti lo ou zepol e ou lanmen in les tonbe sa pwa lour.

Ezai 10:16

Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 14:25

Mon pou detri bann Asiriyen dan mon pei; lo mon bann montanny, mon pou kraz li anba mon lipye; mon pou tir sa fardo ki zot in met lo mon pep e mon pou tir sa pwa ki lo zepol mon pep.

Ezai 16:4

Les bann refizye ki sorti Moab vin reste kot ou! Donn zot labri kot ou. Protez zot kont sa destrikter. Zour bann devastasyon ava'n arete, e ki bann destriksyon ava'n fini, bann diktater ava'n disparet dan pei.

Ezai 47:6

Mon ti ankoler kont mon pep. Mon ti'n dezonor mon patrimwann; mon ti livre zot dan ou lanmen. Ou pa'n montre okenn konpasyon pour zot; ou'n plas en fardo byen lour lo ledo bann vyeyar.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 52:2

Zerizalenm! Leve, sorti dan lapousyer. Repran ou plas! Fiy Siyon! Detas sa lasenn kaptivite dan ou likou!

Ezai 54:14

Ou ava ganny gide par lazistis; personn pa pou kraz ou, akoz ou pou nepli per; personn pa pou teroriz ou, akoz lafreyer pa pou apros ou.

Ezai 9:5

Akoz tou bann bogi lennmi ki ti fer tranble later, tou bann liniform ki'n tase avek disan, in ganny servi pour fer en gran dife avek.

Zeremi 30:8

La sa ki SENYER liniver i deklare: Sa zour pe arive, kan mon pou kas sa bar dibwa ki i pe fer peze lo zot likou e mon pou kas bann lasenn ki gard zot lesklav. Konmsa, zot pou nepli servi bann etranze.

Zeremi 48:17

Pep dan vwazinaz ki konn repitasyon sa lavil! Dir: Son gran pwisans in ganny kase; son laglwar ek son lafors in disparet.

Levitik 26:13

Mwan menm SENYER zot Bondye ki ti fer zot sorti Lezip pour ki zot pa vin lesklav ankor. Mon'n tir bann fardo lo zot zepol; zot ava kapab mars avek lafyerte.

Nahoum 1:13

Aprezan, mon pou kas sa fardo ki lo ou e mon pou kas bann lasenn ki atas ou.