Ezai 9:3 - Labib An Kreol Seselwa

³ Ou'n fer popilasyon sa nasyon ogmante, ou'n rann li pli ere ankor. I kontan ki ou la, i rezoui devan ou parey letan rekolt; i montre son lazwa, parey ler dimoun i partaz bann byen ki i sezi dan lager.

Ezai 9:3 ပူးပေါင်းရင်းမြစ်များ

Nehemi 9:23

Ou ti ogmant zot desandan parey zetwal dan lesyel; ou ti anmenn zot dan sa pei ki ou ti dir zot bann zanset antre pour pran posesyon.

Liv Zob 12:23

I fer bann nasyon vin for, apre i detri zot. I fer bann nasyon vin gran, apre i fer zot disparet.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Psonm 119:162

Ou parol i donn mwan lazwa parey sa enn ki'n dekouver en gro trezor.

Psonm 4:7

Ou'n met lazwa dan mon leker, plis ki dan letan kan dible ek diven ti annabondans.

Ezai 10:26

SENYER liniver pou lev son roten kont Asiri, parey i ti fwet Madyann lo Ros Horeb; i pou lev son baton lo lanmer; i pou lev li parey i ti fer Lezip.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 14:5

SENYER in kas baton bann move dimoun. In kas baton pouvwar bann diktater

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 26:15

Me ou'n fer sa nasyon grandi, SENYER! Ou'n fer sa nasyon grandi; ou'n montre ou laglwar; ou'n agrandi bann teritwar pei.

Ezai 35:10

Tou bann ki SENYER in libere pou retournen. Zot pou ariv Siyon dan lazwa. Zot figir pou reyonnen avek en boner san limit. Zot pou ranpli avek en gran lazwa. Soufrans ek latristes pou'n disparet.

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Ezai 54:1

Sante, fanm steril! Ou ki pa'n zanmen ganny zanfan, Kriye e fer tande sanson lazwa! Ou ki pa'n konn douler lakousman. Sa fanm abandonnen pou annan plis zanfan, ki fanm marye. La sa ki SENYER i deklare:

Ezai 55:12

Zot pou sorti dan lazwa e retourn dan lape. Devan zot, bann montanny ek bann kolin pou sant lazwa e tou pye dibwa ki dan bann laplenn pou bat lanmen.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 61:7

Olye ki zot ganny en doub laont ek dezoner koman zot par, zot pou erit en doub porsyon dan zot pei; zot pou dan lazwa pour touzour.

Ezai 65:14

Mon bann serviter pou sante avek lazwa dan zot leker; me zot, zot pou kriye avek douler dan zot leker; zot pou irle avek en lespri angwase.

Ezai 65:18

Me rezoui e viv dan lazwa pour touzour dan sa ki mon pe kree: Mon pe al fer Zerizalenm vin lazwa e son bann zabitan, en plezir.

Ezai 66:10

Zot tou ki kontan Zerizalenm! Selebre ansanm avek li! Rezoui! Rezoui avek li akoz i dan lazwa, zot tou ki port dey pour li.

Zeremi 31:7

La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Levitik 26:13

Mwan menm SENYER zot Bondye ki ti fer zot sorti Lezip pour ki zot pa vin lesklav ankor. Mon'n tir bann fardo lo zot zepol; zot ava kapab mars avek lafyerte.

Zakari 10:8

Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Levanzil dapre Lik 11:22

Me en zonm pli for ki li i kapab atak li, bat li, e aras li tou son mwayen defans lo lekel i pe konte, e distribye sa ki i'n pran.

Akt de Zapot 8:8

Alor, ti annan lazwa dan sa lavil.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

Ziz 5:3

Bann lerwa! Ekoute. Bann sef! Ouver zot zorey. Mon oule sant pour SENYER. Mon oule sant en psonm pour SENYER, Bondye Izrael.

Ziz 7:22

Pandan ki sa 300 zonm ti pe soufle tronpet, SENYER ti fer ki partou dan kan, zot ti tourn zot lepe kont kanmarad. Zot tou, zot ti sove ziska Bet-Sita, dan direksyon Serera, ziska frontyer avek Abel-Mehola, pre avek Tabat.

Ziz 8:12

Zeba ek Salmouna ti taye, me Zedeon ti pourswiv zot. I ti kaptir Zeba ek Salmouna, de lerwa Madyanit e senm panik partou dan zot larme.

1 Samyel 30:16

Alor, sa Ezipsyen ti gid David. Bann Amalesit ti'n enstal zot partou dan sa pei. Zot pe manze, bwar e fer lafet, akoz sa kantite piyaz lager ki zot ti'n pran dan pei bann Filisten e dan pei Zida.