Ezai 9:18 - Labib An Kreol Seselwa

¹⁸ Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Ezai 9:18 ပူးပေါင်းရင်းမြစ်များ

1 Rwa 16:21

Alor, pep Izrael ti'n ganny diviz an de parti; lanmwatye ti swiv Tibni, garson Ginat pour fer li vin lerwa, e lot lanmwatye ti swiv Omri.

Psonm 37:20

Me bann malfeter pou ganny detri. Bann lennmi SENYER pou disparet parey bann fler dan lakanpanny. Zot pou ale, zot pou disparet parey lafimen.

Psonm 68:2

Parey lafimen, ou fer zot disparet. Parey lasir devan dife, ou fer zot fonn. Bann malfeter pou disparet devan Bondye.

Psonm 83:14

parey dife ki devor lafore; parey laflanm ki bril bann montanny.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 1:7

Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 27:4

Mon nepli pran lakoler kont li. Me si i vin bann zarbis ki annan pikan, mon pou lager kont zot e mon pou bril zot,

Ezai 3:5

Dimoun pou ganny kraze vwazen kont vwazen. Bann zenn pou ensolan anver bann vyeyar; bann bonnaryen pou maltret dimoun respektab.

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 33:12

Bann pep pou ganny brile e vin parey laso. Dife pou detri zot parey brousay ki'n ganny koupe.

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 50:11

Zot tou ki alim dife e ki posed bann dart pour met dife! Al mars dan laflanm zot prop dife e lo labrez ki reste. Tousala in arive par mwan; zot pou mor dan tourman.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Oze 13:3

Alor, zot pou parey brouyar granmaten, oubyen laroze ki disparet dan en pti moman. Zot parey lapay dible oubyen lafimen ki sorti par lafnet.

Zoel 2:20

Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Zoel 2:3

Par devan, konmsi en dife ki devor tou. Par deryer, laflanm i detri tou. Oparavan, later ti parey zarden Edenn, me in vin sek, parey en dezer. Napa nanryen ki sap li.

Amos 7:4

La sa ki Senyer BONDYE ti fer mwan war: Mon ti war li pare pour pini son pep par dife. Dife ti'n fini bril tou delo anba later, e i ti atak teritwar Izrael.

Abdyas 1:18

Zakob pou parey en dife e desandan Zozef pou en laflanm. Ezai pou parey lapay ki pou ganny brile dan dife, san les okenn sirvivan. SENYER ki'n deklare.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Ebre 6:8

Me si i prodwi zis zarbis pikan ek move zerb, sa later pa vo nanryen. I pou ganny modi par Bondye a ganny detri par dife.

Revelasyon 14:11

Lafimen dife ki tourmant zot pou monte pour touzour. Bann ki ador sa bebet ek son stati, e nenport ki, ki resevwar mark son non, pou san repo, ni lizour, ni lannwit.