Ezai 9:12 - Labib An Kreol Seselwa

¹² Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Ezai 9:12 ပူးပေါင်းရင်းမြစ်များ

2 Rwa 16:6

Dan sa letan, lerwa Edonm, ti repran Eilat avek bann Edomit, e sas bann zonm Zida dan Eilat. Alor, bann Edomit ti retourn Eilat, kot zot in reste ziska ozordi.

2 Kronik 28:18

Bann Filisten ti atak bann lavil ki dan bann bafon, dan Sid Zida. Zot ti pran Bet-Semes, Ayalonn ek Gederot, Soko, Timna, Gimzo ek lezot vilaz dan vwazinaz, kot zot ti'n enstal zot.

Psonm 79:7

Annefe, zot in devor desandan Zakob e devaste zot teritwar.

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Ezai 9:21

Manase in devor Efraim; Efraim in devor Manase. Zot ti fer konplo kont Zida. Malgre tousala, lakoler SENYER pa'n tonbe; son lanmen i ankor menasan.

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Zeremi 15:7

Partou dan bann lavil, mon'n servi mon fours pour senm zot dan divan parey lapay. Mon'n detri mon pep konpletman, mon'n touy son bann zanfan, akoz i pa'n oule sanz son mannyer viv.

Zeremi 35:11

Me kan lerwa Naboukodonozor, lerwa Babilonn ti anvai sa pei, nou ti deside sov isi Zerizalenm, pour nou reste lwen avek bann gerye Babilonyen ek Siriyen. Pour sa rezon ki nou pe viv dan Zerizalenm.”

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Ezekyel 16:27

Alor, mon ti montre ou mon pwisans, mon ti koup ou provizyon, mon ti livre ou devan lapeti ou bann lennmi; menm bann fiy Filisten ti onte pour zot bann aksyon degoutan.

Ezekyel 6:14

Mon pou montre zot mon pwisans. Mon pou detri zot pei e fer tou zabitan disparet depi dezer dan Sid ziska Ribla dan Nor. Alor, zot ava konnen ki mwan menm SENYER.

Oze 7:10

Lorgey Izrael i temwanny kont li. Izrael pa'n retourn ver SENYER son Bondye. Apre tou, zot pa rod li.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.

Amos 4:11

Mon'n detri serten parmi zot, parey mon ti detri Sodonm ek Gomor. Bann ki'n sape, ti parey en tizon ki'n ganny tire dan dife. Malgre sa, zot pa'n retourn ver mwan. SENYER ki'n deklare.

Amos 4:6

Mwan ki ti anvoy lafanmin dan tou zot lavil. Mon'n anpes bann vilaz ganny manze. Malgre sa, zot pa'n retourn ver mwan. SENYER ki deklare.

Amos 4:8

Zabitan detrwa lavil in marse pour zot rod delo pour bwar, me zot pa'n pas zot laswaf. Malgre sa, zot pa'n retourn ver mwan. SENYER ki deklare.

Amos 4:9

Mon'n anvoy maladi lo zot bann plantasyon. Zot bann zarden, bann plantasyon rezen, ek zot plantasyon zoliv, in ganny devore par senir. Malgre sa, zot pa'n retourn ver mwan. SENYER ki'n deklare.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.