Ezai 9:11 - Labib An Kreol Seselwa

¹¹ Alor, SENYER in dres kont Izrael, bann lennmi sorti Resin.

Ezai 9:11 ပူးပေါင်းရင်းမြစ်များ

2 Rwa 15:29

Ti dan lepok Peka, lerwa Izrael, ki Tiglat-Pileser, lerwa Asiri, ti atak e pran sa bann lavil: Iyonn, Abel-Bet-Maaka, Yanoa, Kedes, Hasor, Galaad ek Galile, pei Neftali antye. I ti anvoy tou zabitan prizonnyen annegzil Asiri.

2 Rwa 16:9

Lerwa Asiri ti ekout li, e i ti al atak Damas ki i ti pran. I ti deport son bann zabitan Kir, koman prizonnyen, e fer touy Rezin.

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 7:1

Lepok ki Akaz, garson Yotanm, garson Ozyas, ti lerwa Zida, Rezin, lerwa Siri e Peka, garson Remalia, lerwa Izrael, ti ale pour atak Zerizalenm. Me zot pa ti kapab mont en latak kont li.

Ezai 7:8

Annefe, Damas i kapital Lasiri, Resin i sef Damas. Dan 65 an, Efraim pou ganny kraze, i pou nepli egziste koman en pep.