Ezai 8:8 - Labib An Kreol Seselwa

⁸ I pou balye rwayonm Zida; i pou deborde parey en linondasyon; i pou kouver pei e monte ziska kot son likou. I pou kouver pei antye avek son lezel gran ouver. Bondye i avek nou!

Ezai 8:8 ပူးပေါင်းရင်းမြစ်များ

2 Rwa 17:3

Salmanazar, lerwa Asiri, ti al atak li; Oze ti kapitile e pey li taks.

2 Kronik 12:4

Sisak ti kaptir bann lavil fortifye dan rwayonm Zida, e i ti ariv ziska Zerizalenm.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 30:28

Son souf i parey en larivyer ki pe deborde e monte ziska kot likou. I pas bann nasyon atraver en gran destriksyon e met dan lanmaswar lepep en labrid ki anmenn zot kot zot pa anvi ale.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Ezai 7:17

SENYER pou anvoy lo ou, lo ou pep e lo ou bann desandan, bann zour ki pa'n zanmen deza arive depi lepok ki rwayonm Izrael ti separ li avek rwayonm Zida, lerwa Asiri.

Ezai 8:10

Pran konsey avek kanmarad; fer plan ansanm; i pa pou marse. Diskit lo zot plan; i pa pou reisi akoz Bondye, i avek nou.

Zeremi 47:2

La sa ki SENYER i deklare: Gete! Bann lennmi pe rasanble dan Nor, parey en larivyer ki pe grosi. Zot parey en gran linondasyon ki pou kouver later bann Filisten e tou bann zabitan pei pou kriy osekour.

Zeremi 48:40

La sa ki SENYER i deklare: Gete! Lennmi i parey en leg ki pe plannen avek son lezel gran ouver par lao Moab.

Zeremi 51:42

Lanmer in anvai Babilonn; gro laroul in vin kouver Babilonn.

Ezekyel 17:3

Dir zot: La sa ki Senyer BONDYE i deklare: Ti annan en gro leg, avek gran lezel, plim epe toudsort kouler. I ti anvol dan montanny Liban e kas leker bann pye sed.

Ezekyel 26:19

La sa ki Senyer BONDYE i deklare: Mon pou detri ou e fer ou vin en lavil anrin, kot personn pa reste. Mon pou fer gro delo monte e kouver ou konpletman.

Danyel 11:10

Son bann garson pou sorti pour konba e rasanble en gran larme. Enn parmi zot, pou atake; parey an gro delo, pou balye e anmenn tou dan son semen. I pou retournen e kontinyen atake ziska son fortres.

Mise 1:9

Annefe, son boubou i san okenn gerizon. I'n fannen ziska Zida; i'n ariv kot laport mon pep, ziska Zerizalenm.

Mise 5:5

Li menm ki pou anmenn lape! Si bann Asiriyen i vin dan nou pei e penetre dan nou bann pale, nou pou anvoy kont zot set berze, wit sef parmi lepep.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.