Ezai 8:7 - Labib An Kreol Seselwa

⁷ SENYER pou fer monte kont li sa gro kouran delo ki sorti dan larivyer Efrat. Se lerwa Asiri ek son laglwar ki pou monte e deborde partou.

Ezai 8:7 ပူးပေါင်းရင်းမြစ်များ

Zenez 6:17

Mwan, mon pou anvoy en deliz lo later pour detri tou sa ki annan souf lavi anba lesyel. Tou sa ki lo later pou mor.

2 Rwa 19:32

Alor, la sa ki SENYER i deklare lo size lerwa Asiri: I pa pou antre dan sa lavil, ni tir en sel fles, i pa pou prezant devan li avek son boukliye, ni mont en miray latak kont li.

Esdras 4:10

ek lezot pep ki son gran ekselans, Osnapar, ti deporte e ki'n enstal zot dan bann lavil Samari, e dan leres bann provens lo lot kote larivyer Efrat.

Psonm 46:4

I annan en larivyer ki anmenn lazwa dan lavil Bondye, kot son sanktyer Treo i ete.

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Ezai 10:16

Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 11:15

SENYER pou detri konpletman labe ki dan lanmer Lezip; i pou balans son lanmen lo larivyer Efrat; avek son souf pwisan, i pou diviz li an set kot dimoun ava kapab travers apye.

Ezai 28:15

Akoz zot in dir: Nou'n fer en lalyans avek lanmor; nou annan en lakor avek lemonn lanmor. Ler katastrof ava arive, i pa pou tonm lo nou; akoz nou'n fer mansonz vin nou labri e nou kasyet nou dan tou sa ki fo.

Ezai 28:17

Mon pou fer lalwa vin lareg, lazistis en filaplon. Lagrel pou balye zot lakaz mansonz e delo pou trenn zot labri.

Ezai 28:2

En zonm ki for e pwisan pe vini pour SENYER. I parey en lapli lagrel, en tanpet devastater; parey en gro tanpet ki fer larivyer deborde. Avek lafors son lanmen, i pou balans tou lo later.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezai 7:17

SENYER pou anvoy lo ou, lo ou pep e lo ou bann desandan, bann zour ki pa'n zanmen deza arive depi lepok ki rwayonm Izrael ti separ li avek rwayonm Zida, lerwa Asiri.

Ezai 7:20

Sa zour, SENYER pou pran en razwar; depi lo lot kote larivyer Efrat, i pou raz zot latet ek tou pwal lo zot lekor; i pou raz menm zot labarb.

Zeremi 47:2

La sa ki SENYER i deklare: Gete! Bann lennmi pe rasanble dan Nor, parey en larivyer ki pe grosi. Zot parey en gran linondasyon ki pou kouver later bann Filisten e tou bann zabitan pei pou kriy osekour.

Zeremi 51:42

Lanmer in anvai Babilonn; gro laroul in vin kouver Babilonn.

Ezekyel 26:19

La sa ki Senyer BONDYE i deklare: Mon pou detri ou e fer ou vin en lavil anrin, kot personn pa reste. Mon pou fer gro delo monte e kouver ou konpletman.

Danyel 11:10

Son bann garson pou sorti pour konba e rasanble en gran larme. Enn parmi zot, pou atake; parey an gro delo, pou balye e anmenn tou dan son semen. I pou retournen e kontinyen atake ziska son fortres.

Danyel 11:22

Tou troup larme pou ganny detri devan li; sef lalyans osi.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Amos 8:8

Pour sa rezon, later pou tranble. Tou bann zabitan pou an dey. Pei antye pour ganny sekwe; i pou leve e desann parey larivyer Nil dan Lezip.

Amos 9:5

Senyer, BONDYE liniver i tous later e later i fonn. Tou bann zabitan later i met dey. Later i monte e i desann parey larivyer Nil dan Lezip.

Mise 1:9

Annefe, son boubou i san okenn gerizon. I'n fannen ziska Zida; i'n ariv kot laport mon pep, ziska Zerizalenm.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Mise 5:5

Li menm ki pou anmenn lape! Si bann Asiriyen i vin dan nou pei e penetre dan nou bann pale, nou pou anvoy kont zot set berze, wit sef parmi lepep.

Nahoum 1:8

menm kan en gro laroul i balye tou. I pou detri son bann ladverser. I pou pourswiv son bann lennmi dan fernwanr.

Levanzil dapre Lik 6:48

I parey en zonm ki konstri en lakaz. I fouy byen dan fon e poz son fondasyon lo ros. Kan linondasyon i arive, e delo i bat avek lakaz, i pa kapab sekwe li, akoz i'n ganny byen konstri.

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.