Ezai 8:20 - Labib An Kreol Seselwa

²⁰ Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Ezai 8:20 ပူးပေါင်းရင်းမြစ်များ

Esdras 10:3

Annou fer en lalyans avek nou Bondye e fer ale tou sa bann fanm etranze ek zot bann zanfan. Konmsa, nou ava swiv ou konsey ki ou, ek tou bann ki annan respe pour komannman nou Bondye in donnen. Annou fer tou dapre lalwa.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 78:5

I'n donn pep Zakob en komannman; in fikse en lalwa dan Izrael. I ti ordonn nou bann zanset pour fer zot bann zanfan konnen.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 8:16

Gard sa temwannyaz. Sel son parol parmi mon bann disip.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Zeremi 8:9

Bann ki dir zot saz, in kanmi. Zot in pri e zot per, akoz zot in rezet parol SENYER. Oli zot lasazes?

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Mise 3:6

Pour sa rezon, lannwit pou tonm lo zot. Zot pa pou ganny okenn vizyon ankor. Fernwanr pou tonm lo zot san revelasyon ankor. Soley pou kous lo sa bann profet: Lizour, zot pou dan fernwanr.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 22:29

Zezi ti reponn zot, “Zot dan lerer, akoz zot pa konn ni Lekritir, ni pwisans Bondye.

Matye 6:23

Me si ou lizye i malad, ou lekor antye pou dan fernwanr. Alor, si lalimyer ki dan ou, i parey fernwanr, ou pou vreman dan en gran fernwanr.

Mark 10:3

Zezi ti reponn zot avek en kestyon, “Ki Moiz ti ordonn zot?”

Levanzil dapre Lik 10:26

Zezi ti dir li, “Kwa ki'n ekri dan Lalwa? Ki ou lir?”

Levanzil dapre Zan 5:39

Zot etidye Lekritir akoz zot mazinen ki zot ava trouv lavi eternel ladan. Zisteman, Lekritir menm ki rann temwannyaz dan mon faver.

Akt de Zapot 17:11

Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.

Romen 1:22

Zot pretann ki zot savan, me zot in vin plito fou.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

2 Pyer 1:9

Sa enn ki pa posed sa bann kalite i koman en aveg; son lizye in fermen. I'n oubliye ki son bann pese otrefwa in ganny pardonnen.