Ezai 7:9 - Labib An Kreol Seselwa

⁹ Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Ezai 7:9 ပူးပေါင်းရင်းမြစ်များ

2 Rwa 15:27

Dan senkanndezyenm lannen renny Azarya, lerwa Zida, Peka, garson Remalia ti vin lerwa lo Izrael, dan Samari. I ti renny pandan 20 an.

2 Kronik 20:20

Zot ti lev granmaten pour al dan dezer Tekoa. Pandan ki zot ti pe ale, Zozafat ti debout. I ti dir: Ekout mwan, pep Zida ek zabitan Zerizalenm! Met tou zot konfyans dan SENYER zot Bondye e zot ava reste for. Fer konfyans dan bann profet e zot ava ranport laviktwar.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 7:10

SENYER ti koz ankor avek Akaz. I ti dir li:

Ezai 7:4

Ou ava dir li: Fer atansyon! Reste kalm! Pa bezwen per. Pa les lakoler sa de zans dekouraz ou. Zot zis de tizon kot lafimen i ankor pe sorti.

Ezai 8:4

akoz avan ki sa zanfan pou konn dir papa oubyen manman, tou larises Damas e tou byen ki Samari ti vole pou'n ganny pran par lerwa Asiri.

Ezai 9:9

Lepep antye pou konnen, Efraim ek zabitan Samari. Avek lorgey ek larogans dan leker zot dir:

Zeremi 43:2

Azarya, garson Hosaya e Yohanann, garson Karea, ek bann zonm arogan ti reponn Zeremi: I pa vre. SENYER nou Bondye pa'n anvoy ou dir pa al reste Lezip.

Mise 1:5

Tousala i arive akoz pese Zakob, e akoz pese pep Izrael. Ki fot desandan Zakob in fer? Pa Samari? Lekel ki koupab pour lenfidelite dan Zida? Pa Zerizalenm?

Akt de Zapot 27:11

Me zofisye Romen ti annan plis konfyans dan lopinyon kaptenn ek propriyeter bato ki dan parol Pol.

Akt de Zapot 27:25

Alor, mon bann zanmi! Pran kouraz, akoz mon annan konfyans dan Bondye. Tou pou pas parey i'n dir mwan.

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

1 Zan 5:10

Alor, sa enn ki krwar dan Garson Bondye, i posed sa temwannyaz dan li. Sa enn ki pa krwar Bondye, i fer Bondye pas pour manter, akoz i pa'n krwar temwannyaz ki Bondye in rann osize son Garson.