Ezai 7:19 - Labib An Kreol Seselwa

¹⁹ Zot pou vin apoz dan bann presipis, dan lafant ros, lo bann zarbis e dan laplenn zerb.

Ezai 7:19 ပူးပေါင်းရင်းမြစ်များ

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

Ezai 2:19

Al dan bann kavern ros e dan bann trou anba later, lwen avek lakoler SENYER, e laglwar son mazeste, ler i pou leve pour sekwe later.

Ezai 2:21

Zot pou antre dan bann kavern ros e dan bann trou dan later pour zot sove devan lakoler SENYER e laglwar son mazeste, ler i pou leve pour sekwe later.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezai 7:24

Pei antye pour kouver avek zis bann zarbis pikan e dimoun pou fer lasas avek zot fles.

Ezai 7:25

Ou pa pou oze al dan bann kolin pour kiltive, akoz bann zarbis pikan. Zot pou vin en laplenn zerb kot bef ek mouton pou viv larg e lib.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Mise 7:17

Zot pou manz lapousyer parey serpan, ek lezot reptil. An tranblan, zot pou sorti dan zot fortres pour al ver SENYER, nou Bondye. Zot pou dan lafreyer, zot pou per ou.

Zakari 10:8

Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Matye 7:16

Zot ava ganny rekonnet par zot fri. Ou pa rekolte rezen lo pye pikan, ni fig lo pye rons.