Ezai 7:18 - Labib An Kreol Seselwa

¹⁸ Sa zour, SENYER pou soufle lo ou pour fer vini bann mous sorti Lezip dan lanbousir larivyer Nil, ek mous dimyel sorti Asiri.

Ezai 7:18 ပူးပေါင်းရင်းမြစ်များ

Psonm 105:31

Lo son lord, bann lesen mous ek moustik ti anvai e kouver pei.

Psonm 118:12

Zot ti antour mwan parey mous dimyel. Me zot ti tennyen parey en dife zerb sek; lo non SENYER, mon ti demont zot.

Egzod 8:21

Si ou pa les mon pep ale, mon pou anvoy mous lo ou, lo ou lantouraz e lo ou pep. Ou lakaz, ek lakaz bann Ezipsyen pou ranpli avek mous. Menm lo later kot zot debout pou annan mous.

Egzod 8:24

SENYER ti fer sa: En kantite lesen mous ti vin dan lakaz Faraon, dan lakaz son bann serviter, e Lezip antye ti ganny devaste akoz mous.

Ezai 13:5

Zot sorti dan en pei byen lwen, dan lot bout lesyel. SENYER ek bann zarm son lakoler ki pou detri later antye.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 5:26

SENYER pou donn en sinyal bann nasyon ki reste tre lwen; i pou soufle avek en pep ki reste dan profonder later. La i pe vini avek lavites!

Ezai 7:17

SENYER pou anvoy lo ou, lo ou pep e lo ou bann desandan, bann zour ki pa'n zanmen deza arive depi lepok ki rwayonm Izrael ti separ li avek rwayonm Zida, lerwa Asiri.

Zakari 10:8

Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Deterononm 1:44

Bann Amorit ki ti viv dan sa bann montanny ti atak zot e fer zot fannen parey mous dimyel, depi Seir, ziska Horma.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.

Deterononm 7:20

An plis, SENYER, ou Bondye pou senm panik. I pou detri sa bann ki'n kapab sove pour al kasyet.

Zozye 24:12

Mon ti anvoy mous zonn devan zot, ki ti fer zot fannen sa de lerwa Amorit; pa avek zot lepe, ni avek zot bann fles ki zot ti fer li.