Ezai 7:13 - Labib An Kreol Seselwa

¹³ Alor Ezai ti dir: Ekoute, zot bann desandan lerwa David! I pa ase ki zot fatig zonm? Fodre ki zot osi fatig mon Bondye?

Ezai 7:13 ပူးပေါင်းရင်းမြစ်များ

Zenez 30:15

Me i ti dir, “Ou'n pran mon mari. Aprezan, ou oule pran ankor ponmdamour mon garson osi?” Rasel ti dir, “Mon ava les Zakob dormi avek ou tanto pour ponmdamour ou garson.”

2 Kronik 21:7

Pourtan, SENYER pa ti oule detri fanmir David, akoz lalyans ki i ti'n fer avek li. Annefe, i ti'n promet ki i pou touzour annan enn parmi son desandan koman lerwa dan son plas, lo tronn Izrael.

Psonm 45:5

Ou bann dart i byen fite pour pers leker ou bann lennmi. Bann nasyon i tonbe anba ou.

Ezai 1:14

Mon deteste zot bann lafet nouvellin ek zot bann rasanbleman. Tousala in vin en fardo pour mwan; mon nepli kapab siporte.

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 22:22

Mon pou konfye li lakle rwayonm David. Kan i ouver, personn pa kapab fermen; Kan i fermen, personn pa kapab ouver.

Ezai 25:1

SENYER! Ou mon Bondye. Mon pou loue ou e selebre ou non, akoz ou'n fer en kantite mervey pour mwan. Bann plan ki ou'n formen depi lontan i reste solid, zot pa sanze.

Ezai 43:24

Ou pa'n depans larzan pour aste bann plant parfimen pour mwan. Ou pa'n fer mwan rasazye ek lagres ou bann sakrifis. Me ou'n fer mwan vin lesklav ou bann pese; ou'n fatig mwan avek ou bann move aksyon.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Ezai 7:12

Me Akaz ti reponn: Mon pa pou demann okenn siny; mon pa pou tant SENYER.

Ezai 7:2

Ler Akaz, en desandan lerwa David, ti aprann ki Aranm ti'n alye li avek Efraim, i ti ganny en sok par sa nouvel. Zot ti tranble parey fey dibwa dan divan.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Ezekyel 16:20

Ou ti pran ou bann garson ek ou bann fiy ki ou ti'n fer avek mwan e ou ti ofer zot koman sakrifis pour zot ganny devore. Eski ou lavi prostitisyon pa ti ase?

Ezekyel 16:47

Ou pa'n zis kontante swiv zot bann pratik degoutan, me ou'n fer pir ki zot dan en pti moman.

Ezekyel 34:18

Pa zis kontante ki zot manz bon zerb. Eski zot bezwen kraz tou leres? Pa ase ki zot bwar delo kler? Eski fodre ki zot sali leres avek zot lapat?

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Amos 3:13

La sa ki Senyer BONDYE, Bondye liniver i deklare: Ekoute, e anons sa bann lavertisman bann desandan Zakob:

Malasi 2:17

Zot in fatig SENYER avek zot bann koze. Pourtan, zot demande: Ki mannyer nou'n fatig li? Zot fatig li kan zot dir: SENYER i aksepte tou bann malfeter e i kontan zot. Oubyen kan zot demande: Oli sa Bondye ki fer lazistis?

Nonm 16:13

I pa ase ki ou'n deza fer nou sorti dan en pei kot i koul dile ek dimyel, pour anmenn nou mor dan dezer? Aprezan, ou oule kontinyen domin nou koman nou sef?

Nonm 16:9

Eski i pa ase ki Bondye Izrael in swazir zot parmi pep Izrael, pour zot prezant devan li, ganny aksepte dan servis sanktyer SENYER e prezant devan lepep ki zot servi?

Levanzil dapre Lik 1:69

I'n anvoy en pwisan sover pour nou, sorti parmi desandan lerwa David, son serviter.

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Ebre 3:10

Alor, mon ti pran lakoler avek sa pep. Mon ti dir: Zot leker i touzour egare avek mwan. Zot pa'n konpran mon semen.