Ezai 66:4 - Labib An Kreol Seselwa

⁴ Mwan osi, mon pou ganny kontantman dan zot maler e fer tonm lo zot sa ki ti fer zot per; akoz, mon ti apele, me personn pa ti reponn; ler mon ti koze, zot pa ti ekoute; me zot ti fer tou sa ki ti depler mwan; zot ti swazir sa ki pa fer mwan plezir.

Ezai 66:4 ပူးပေါင်းရင်းမြစ်များ

2 Rwa 21:2

Manase ti fer sa ki depler SENYER, i ti pratik bann aksyon degoutan parey bann nasyon ki SENYER ti'n sase devan pep Izrael.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

Psonm 81:12

Alor, mon ti les zot avek zot leker dir, pour zot fer koman zot oule.

Proverb 1:24

Akoz mon ti apel zot, me zot ti refize; akoz mon ti donn zot lanmen, me personn pa ti port atansyon;

Proverb 10:24

Sa ki en malfeter i per, pou tonm lo li. Sa ki en zis i swete, i resevwar.

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 59:15

Laverite in disparet; sa enn ki oule reste onnet i ganny depouye. SENYER in war li e in mekontan ki ti napa lazistis.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Ezai 65:12

mon pou fer zot ganny masakre e zot tou, zot pou tonm lo zot zenou pour ganny egorze. Annefe, mon ti apel zot, me zot pa ti reponn; ler mon ti koze, zot pa ti ekoute, me zot ti fer sa ki mal devan mwan e swazir sa ki pa fer mwan plezir.

Ezai 65:2

Mon'n ouver mon lebra tou lazournen ver en pep rebel, ki mars lo en move semen, ki swiv zot prop plan;

Ezai 65:3

en pep ki pa arete ofans mwan anfas; ki ofer sakrifis dan bann zarden e bril lansan lo bann brik;

Ezai 65:7

Zot pou peye pour zot pese anmenmtan, pour pese zot zanset, zot ki ti bril lansan lo bann montanny e ki ti provok mwan lo bann kolin. Mon pou fer zot rann kont avek tou mon leker e mon ava regle mon kont direkteman avek zot.

Zeremi 35:17

La sa ki SENYER liniver, Bondye Izrael i deklare: Pour sa rezon, mon pou fer tonm lo pep Zida ek zabitan Zerizalenm tou bann maler ki mon'n averti pour tonm lo zot. Mon pou fer sa, akoz zot pa'n ekoute kan mon ti koz avek zot, e zot pa'n reponn mwan kan mon ti apel zot.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.

Zeremi 7:30

Annefe, SENYER i deklare, pep Zida in fer sa ki depler mwan: Zot in plas zot bann stati degoutan ki mon deteste dan tanp ki'n ganny konsakre pour mwan, e zot in rann li enpir.

Ezekyel 11:8

Ou per lepe! La mon dir ou: Mon pou anvoy lepe kont ou. Mwan, Senyer BONDYE ki'n deklare.

Ezekyel 14:4

Alor koz avek zot e dir zot: La sa ki Senyer BONDYE i deklare: Dimoun parmi pep Izrael ki gard son bann zidol dan son leker, ki plas devan li en lobstak ki pou fer li tonbe par son fot, si i vin war profet, mwan SENYER ki pou reponn li kan i vini, akoz son kantite zidol.

Ezekyel 20:25

An plis, mon ti menm donn zot bann lalwa ki pa ti bon ek bann regleman ki zot pa ti kapab viv avek.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

1 Samyel 8:19

Pep Izrael ti refize ekout Samyel. Zot ti dir, “Tanpi! Pourvi ki nou ganny en lerwa.