Ezai 66:22 - Labib An Kreol Seselwa

²² Annefe, parey bann nouvo lesyel e nouvo later ki mon pou kree pou dire devan mwan, demenm, ou bann desandan e ou non pou reste devan mwan. SENYER i deklare:

Ezai 66:22 ပူးပေါင်းရင်းမြစ်များ

Ezai 48:19

Ou desandan ti ava'n vin parey disab e ou bann zanfan parey gren disab. Zot non pa ti pou zanmen ganny oubliye, ni disparet devan mwan.

Ezai 51:16

Mon'n met mon bann parol dan ou labous e kasyet ou anba lonbraz mon lanmen; mon'n tal lesyel e met bann fondasyon later; mon'n dir avek Siyon: Ou menm mon pep.

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Ezai 56:5

Mon pou donn zot, dan mon tanp, dan son bann miray, en moniman e en non ki meyer ki bann garson ek fiy. Mon pou donn zot en non ki reste pour touzour, ki pa pou zanmen ganny efase.

Ezai 59:21

SENYER i deklare: Kanta mwan, la lalyans ki mon fer avek zot: Mon lespri ki lo ou, mon parol ki mon'n met dan ou labous, pa pou ganny tire ni dan ou labous, ni dan labous ou bann zanfan, ni ou desandan, ozordi e pour touzour. SENYER ki deklare.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Ezai 61:9

Zot desandans pou renonmen parmi bann nasyon, zot zanfan parmi bann pep. Tou dimoun ki pou war zot, pou rekonnet ki zot en pep ki SENYER in beni.

Ezai 65:17

Mon pou kree en nouvo lesyel ek en nouvo later. Dimoun pou oubliy letan pase. Zot souvenir pa pou zanmen retourn dan lespri.

Ezai 65:22

Zot pa pour konstri lakaz pour ki en lot i reste ladan. Zot pa pou plante pour ki en lot i manz son fri, akoz lavi mon pep pou dire parey en pye dibwa e sa bann ki mon'n swazir, pou profit travay ki zot in fer par zot lanmen.

Ezai 65:23

Zot pou nepli fatig zot pour nanryen, ni fer zanfan ki pou fer zot maler, akoz zot pou sa zenerasyon ki SENYER pou beni, avek osi son bann desandan.

Zeremi 33:20

La sa ki SENYER i deklare: Personn pa kapab kas lalyans ki mon'n fer avek lizour ek lannwit. Eski ou kapab kas lalyans lizour avek lannwit e lannwit avek lizour pour fer ki lizour i nepli swiv lannwit.

Zeremi 33:21

Si sa ti arive, alor, mon lalyans avek mon serviter David ti ava'n kase; sa ti ava fer ki pa pou kapab annan en desandan pour rennyen lo son tronn e lalyans avek bann pret ki sorti dan tribi Levi pour servi mwan.

Sofoni 3:20

La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

2 Pyer 3:13

Me nou, dapre son promes, nou pe esper en nouvo lesyel ek en nouvo later kot pou annan lazistis.

Revelasyon 21:1

Alor, mon ti war en nouvo lesyel ek en nouvo later akoz sa premye lesyel ek sa premye later ti'n disparet. Lanmer osi ti nepli egziste.