Ezai 66:16 - Labib An Kreol Seselwa

¹⁶ Annefe, SENYER pou egzekit son zizman dan dife e son pinisyon pour lo tou dimoun; SENYER pou masakre en kantite zot!

Ezai 66:16 ပူးပေါင်းရင်းမြစ်များ

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 27:1

Sa zour, avek son gran lepe byen fite, dir e pwisan, SENYER pou entervenir kont Leviatan, sa serpan ki anvole; Leviatan, sa serpan rize. I pou touy sa dragon ki reste dan lanmer.

Ezai 3:13

SENYER in pare pour zizman. In debout pour li ziz lepep.

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezai 31:8

Alor, bann Asiriyen pou tonbe anba kou lepe ki pa sorti kot zonm. Lepe ki pou detri zot pa'n ganny fer par zonm. Zot ava sove devan sa lepe e son bann zennzan pou ganny met anba travoforse.

Ezai 34:2

SENYER i ankoler kont tou bann nasyon; i tre ankoler kont tou zot larme; in kondann zot pour ganny masakre.

Ezai 65:12

mon pou fer zot ganny masakre e zot tou, zot pou tonm lo zot zenou pour ganny egorze. Annefe, mon ti apel zot, me zot pa ti reponn; ler mon ti koze, zot pa ti ekoute, me zot ti fer sa ki mal devan mwan e swazir sa ki pa fer mwan plezir.

Zeremi 25:31

Son lavwa pou rezonnen dan tou kwen later. SENYER in ouver en prose kont bann nasyon. I pou apel tou dimoun devan tribinal pour zizman. Bann malfeter pou ganny masakre, SENYER i deklare.

Zeremi 25:33

Sa zour, kadav bann ki SENYER in touye pou ganny fannen depi en bout later ziska lot bout. Personn pa pou met dey. Personn pa pou ranmas zot pou al antere. Zot pou tale ater parey bann ta fimyen.

Zeremi 45:5

E ou? Eski ou pe rod gran keksoz pour ou? Pa rode, akoz mon pe anvoy maler lo tou dimoun. Me ou, mon pou protez ou lavi koman en depouy lager, partou kot ou pou ale.

Zeremi 46:15

Akoz Apis in sove? Akoz eski in degrengole kan SENYER in bouskil li?

Ezekyel 28:18

Ou'n fer bokou ditor, par ou bann magouy dan komers. Ou'n sali ou bann landrwa sakre. Aprezan, mon pou fer sorti en dife avek ou ki pou bril ou. Mon pou fer ou vin en ta lasann devan tou sa ki get ou lo later.

Ezekyel 38:17

La sa ki Senyer BONDYE i deklare: Se ou menm sa enn ki depi lontan, mon ti anonse atraver mon serviter, bann profet Izrael, ou ki mon pou fer atak mon pep.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Zoel 3:2

Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Amos 7:4

La sa ki Senyer BONDYE ti fer mwan war: Mon ti war li pare pour pini son pep par dife. Dife ti'n fini bril tou delo anba later, e i ti atak teritwar Izrael.

Nahoum 3:15

La, dife pou detri ou; ou pou ganny masakre par lepe. Ou pou ganny devore parey sotrel. Ou zabitan i enn lo lot parey bann sotrel!

Nahoum 3:3

Bann kavalye i atake, avek lepe ek lans ki zot fer klate. I annan en kantite blese, en ta lekor mor. Kadav i partou, bann gerye i per lekilib lo zot!

Zakari 14:5

Alor, zot pou sove an pasan par vale montanny SENYER, akoz vale sa bann montanny pou al ziska Asal. Zot pou taye parey ler zot ti fer pour sov tranblemandter dan letan Ozyas, lerwa Zida. Apre sa, SENYER mon Bondye pou arive avek tou son bann lanz ki servi li.