Ezai 66:14 - Labib An Kreol Seselwa

¹⁴ Zot ava war sa, e zot ava rezoui; zot lezo pou reganny lavi parey gazon; SENYER pou manifeste son pwisans devan son bann serviter; me son lakoler i kont son bann lennmi.

Ezai 66:14 ပူးပေါင်းရင်းမြစ်များ

Esdras 7:9

Depar pour sorti Babilonn ti'n ganny fikse pour premye zour, dan premye mwan, e zot ti ariv Zerizalenm premye zour, senkyenm mwan, e lanmen son Bondye ti avek li.

Esdras 8:18

Gras a proteksyon nou Bondye, zot ti kapab retourn avek Serebya, en zonm entelizan parmi bann garson Mali, garson Levi, garson Izrael, e avek li, son bann garson ek son bann frer. An tou 18 zonm.

Esdras 8:22

Mon ti pou kanmi pour demann lerwa en troup solda pour eskort nou, avek bann kavalye pour protez nou kont lennmi dan nou semen, akoz nou ti'n dir lerwa: Lanmen nou Bondye i avek tou sa ki rod li. Me lafors son lakoler i kont tou bann ki abandonn li.

Esdras 8:31

Nou ti kit larivyer Ahava, pour al Zerizalenm douzyenm zour, dan premye mwan. Lanmen nou Bondye ti avek nou. Pandan nou vwayaz, i ti protez nou kont tou latak lennmi ek tou bann bandi.

Psonm 107:42

I dan lazwa ler i war dimoun ki leker i pir. Labous bann malfeter i fermen.

Proverb 17:22

En leker zwaye i en bon remed; me en lespri tris i deperi bann lezo.

Proverb 3:8

Sa i ava en remed pour ou lekor e i ava kalme ou douler.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 13:5

Zot sorti dan en pei byen lwen, dan lot bout lesyel. SENYER ek bann zarm son lakoler ki pou detri later antye.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Ezai 30:27

Gete! La SENYER pe vini. I sorti lwen. Son lakoler i en dife ki'n alimen; en gro lafimen ki monte. Son lalev i deborde avek lakoler e son lalang i parey en dife ki devor tou.

Ezai 33:20

Get lo kote Siyon, lavil kot nou fer lafet! Ou lizye ava war Zerizalenm, sa landrwa trankil; son latant pa pou zanmen ganny demonte; son bann pike pa pou zanmen ganny arase e okenn son bann lakord pa pou kase.

Ezai 34:2

SENYER i ankoler kont tou bann nasyon; i tre ankoler kont tou zot larme; in kondann zot pour ganny masakre.

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Ezai 41:20

Konmsa, tou dimoun ava kapab war e konnen; zot tou, zot ava kapab obzerve e konpran ki lanmen SENYER ki'n fer tousala, ki Bondye sen Izrael ki'n kree tousala.

Ezai 42:13

SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Zakari 10:7

Apre sa, bann zabitan Efraim pou vin parey bann vayan gerye. Zot leker pou dan lazwa parey kan ou'n bwar diven. Zot bann zanfan pou kontan kan zot ava war sa; zot leker pou dan lazwa akoz SENYER.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Levanzil dapre Zan 16:22

Pour zot osi i parey: Aprezan, zot tris; me mon pou revwar zot apre. Alor, zot leker pou ranpli avek lazwa, e personn pa pou kapab aras zot sa lazwa.

Ebre 10:27

I reste zis pour espere dan lafreyer, Zizman Bondye ek sa dife feros ki pou devor tou son bann lennmi.