Ezai 66:12 - Labib An Kreol Seselwa

¹² Annefe, la sa ki SENYER i deklare: Mon pou fer son prosperite koule parey en gran larivyer e larises bann nasyon parey en larivyer ki deborde. Ou pou ganny gate e ganny pran dan lebra. Ou pou ganny dorlote lo son zenou.

Ezai 66:12 ပူးပေါင်းရင်းမြစ်များ

Ezai 14:2

Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 33:21

SENYER pou la avek nou dan son mazeste. En landrwa plen avek larivyer, gran koman pti, kot okenn navir pa traverse ni okenn gro bato pa pase.

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Ezai 54:13

SENYER ki pou edik tou ou bann zanfan, e zot pou viv dan lape.

Ezai 54:3

Annefe, ou pou grandi dan tou direksyon: Adrwat, agos e ou bann desandan pou pran posesyon teritwar bann nasyon vwazen e zot ava peple bann lavil abandonnen.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezai 60:16

Ou pou sis dile bann nasyon, ou pou sis larises bann lerwa. Alor, ou pou konnen ki mwan SENYER, mon ou Sover e ou Liberater, Bondye pwisan Zakob.

Ezai 61:6

Zot zanfan pou ganny apele: Pret pour SENYER. Zot pou ganny nonmen: Serviter nou Bondye; zot pou benefisye lo fortin bann nasyon e zot pou profit lo zot larises.

Ezai 66:11

Akoz ou pou tete dile ziska ou rasazye, sa dile ki konsole; pour ki ou ava kapab bwar avek plezir dile ki sorti dan son zoli tete.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 33:6

Malgre sa, mon pou swanny sa lavil e mon pou geri son bann zabitan e fer zot viv dan lape e an sekirite.

Agze 2:9

Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.