Ezai 65:2 - Labib An Kreol Seselwa

² Mon'n ouver mon lebra tou lazournen ver en pep rebel, ki mars lo en move semen, ki swiv zot prop plan;

Ezai 65:2 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Psonm 36:4

I prepar son bann move kou depi dan son lili. I antete swiv move semen; i pa fer nanryen ki byen.

Psonm 36:5

SENYER! Ou fidelite i tous lesyel. Ou lanmour i ariv ziska dan nyaz.

Proverb 1:24

Akoz mon ti apel zot, me zot ti refize; akoz mon ti donn zot lanmen, me personn pa ti port atansyon;

Proverb 16:29

Dimoun vyolan i tronp son prosen; i fer li pran en move semen.

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 30:1

La sa ki SENYER i deklare: Maler lo zot bann zanfan rebel! Zot fer bann plan ki pa sorti kot mwan. Zot siny bann lalyans ki mon pa aprouve e akimil pese enn lo lot.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezai 55:8

La sa ki SENYER i deklare: Mon panse pa parey zot panse. Mon mannyer fer osi, pa parey zot mannyer fer.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Ezai 66:4

Mwan osi, mon pou ganny kontantman dan zot maler e fer tonm lo zot sa ki ti fer zot per; akoz, mon ti apele, me personn pa ti reponn; ler mon ti koze, zot pa ti ekoute; me zot ti fer tou sa ki ti depler mwan; zot ti swazir sa ki pa fer mwan plezir.

Zeremi 18:12

Zot pou reponn: Akfer nou bezwen sanze? Nou pou fer sa ki nou'n deside; nou pou swiv nou bann move lentansyon.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 5:23

Me ou, ou en pep antete ki toultan pe revolte. Ou'n abandonn mwan e ou'n swazir ou prop semen.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Nonm 15:39

Sak fwa ki zot ava get sa franz, zot ava mazin komannman SENYER pour zot met an pratik. Zot pa devre swiv dezir zot lizye ek zot leker pour fer sa ki mal.

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Romen 10:21

Konsernan Izrael, i azoute: Tou dilon lazournen mon'n ouver mon lanmen avek en pep dezobeisan e rebel.

Romen 2:5

Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.