Ezai 64:4 - Labib An Kreol Seselwa

⁴ Personn pa'n zanmen konnen; zorey pa'n zanmen tande; lizye pa'n zanmen war okenn Bondye parey ou, ki azir konmsa, anver dimoun ki met son lespwar dan ou.

Ezai 64:4 ပူးပေါင်းရင်းမြစ်များ

Zenez 49:18

SENYER! Mon esper ou, e ou ava sov mwan.

Esdras 9:7

Depi lepok nou bann zanset ziska ozordi, nou koupab e nou'n komet en gran fot. Akoz nou bann fot ki nou bann lerwa, nou bann pret, nou'n sibir dominasyon bann lerwa etranze, lager, deportasyon, piyaz, ek imilyasyon; rezon akoz nou konmsa ozordi.

Psonm 103:18

anver sa enn ki gard son lalyans e ki pa oubliye obei son bann komannman.

Psonm 130:5

Mon met mon lespwar dan SENYER; mon pe espere avek tou mon leker. Mon annan konfyans dan son parol.

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Psonm 62:1

Zis Bondye ki fer mwan konn trankilite. Zis li tousel ki kapab sov mwan.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Ezai 66:8

Lekel ki'n deza antann en keksoz parey? Lekel ki'n deza war keksoz parey? En pei i kapab ne dan en zour? En nasyon i kapab ganny kree en sel kou? Pourtan, de ki Siyon ti dan douler lakousman, i ti donn nesans son bann zanfan.

Danyel 9:15

Aprezan Senyer, nou Bondye, ou ki'n fer ou pep sorti Lezip par lafors ou lanmen e fer ou renonmen parmi ou pep ziska ozordi, nou'n fer pese, nou'n fer sa ki mal devan ou.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Danyel 9:8

SENYER! Laont i pour nou! Nou, avek nou bann lerwa, nou bann sef, ek nou bann zanset, nou onte, akoz nou'n fer pese kont ou.

Oze 7:7

Zot tou, zot sofe parey en four; zot devor zot bann sef. Zot bann lerwa in tonbe; personn pa rod mwan.

Zakari 10:9

Mon ti'n dispers zot parmi bann nasyon, me menm dan bann pei etranze, zot pou mazin mwan. Zot pou fer zanfan e zot pou retournen.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Levanzil dapre Lik 2:25

Ti annan en zonm dan Zerizalenm ki ti apel Simeon. I ti en zonm zis ki ti annan respe pour Senyer. I ti pe esper konsolasyon pep Izrael e Lespri Sen ti avek li.

Levanzil dapre Zan 14:3

Apre ki mon'n al prepar en plas pour zot, mon pou retournen e pran zot avek mwan, pour ki zot osi, zot ava la kot mwan, mon ete.

Romen 8:19

Lakreasyon antye ki Bondye in kree pe esper avek enpasyans sa moman kan Bondye pou revele lekel son bann zanfan.

1 Korentyen 1:7

Konmsa, i pa mank zot okenn don sorti kot Bondye, pandan ki zot pe esper nou Senyer Zezi-Kri aparet.

1 Tesalonisyen 1:10

Zot pe espere ki son garson i retournen sorti dan lesyel. Li menm ki Bondye i'n resisite. In delivre nou kont lakoler Bondye ki pe vini.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Let Zak 5:7

Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.

1 Zan 4:10

Lala kisisa lanmour: Pa nou ki'n kontan Bondye, me Bondye ki'n kontan nou e i'n anvoy son Garson koman en viktim, pour ki par li, nou bann pese i ganny pardonnen.