Ezai 61:8 - Labib An Kreol Seselwa

⁸ Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Ezai 61:8 ပူးပေါင်းရင်းမြစ်များ

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

Psonm 105:10

ki i'n etabli en lalwa pour Zakob e en lalyans eternel pour Izrael,

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Psonm 33:5

SENYER i kontan lazistis ek ladrwatir. Fidelite SENYER i ranpli later.

Psonm 37:28

Annefe, SENYER i kontan lazistis. I pa pou abandonn dimoun ki fidel.

Psonm 45:7

Ou kontan lazistis e ou deteste sa ki mal. Pour sa rezon, Bondye, ou Bondye, in vers delwil lonksyon lo ou latet. In prefer swazir ou parmi lezot lerwa.

Psonm 50:5

Rasanble mon bann fidel ki'n fer en lalyans avek mwan par en sakrifis!

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.

Psonm 99:4

Lafors en lerwa i dan lanmour ki i annan pour lazistis. Ou'n etabli ladrwatir, ou'n etabli lazistis. Ou'n etabli ladrwatir ek lazistis dan Izrael.

Proverb 3:6

Rekonnet li dan tou sa ki ou antreprann e i ava gid ou lo ou semen.

Proverb 8:20

Mon mars lo semen lazistis, tou dilon bann santye laverite,

Ezai 28:17

Mon pou fer lalwa vin lareg, lazistis en filaplon. Lagrel pou balye zot lakaz mansonz e delo pou trenn zot labri.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Ezai 54:10

SENYER ki annan konpasyon pour ou, i deklare: Menm si bann montanny i kapab tonbe; bann kolin i kapab sanz plas, mon lanmour anver ou pa pou zanmen bouze, e lalyans lape ki mon'n fer avek ou pou reste ferm.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Ezai 56:1

La sa ki SENYER i deklare: Gard lazistis, e pratik sa ki drwat, akoz mon delivrans i pros pou arive. Mon plan pour sov ou pou ganny devwale.

Ezai 66:22

Annefe, parey bann nouvo lesyel e nouvo later ki mon pou kree pou dire devan mwan, demenm, ou bann desandan e ou non pou reste devan mwan. SENYER i deklare:

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Ezekyel 16:60

Me mwan, mon pou rapel mon lalyans ki mon ti fer avek ou, kan ou ti ankor zenn. Mon pou etabli mon lalyans avek ou pour touzour.

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

2 Tesalonisyen 3:5

Mon demann Senyer gid zot leker dan lanmour pour Bondye e dan pasyans ki Kris i donnen.