Ezai 61:6 - Labib An Kreol Seselwa

⁶ Zot zanfan pou ganny apele: Pret pour SENYER. Zot pou ganny nonmen: Serviter nou Bondye; zot pou benefisye lo fortin bann nasyon e zot pou profit lo zot larises.

Ezai 61:6 ပူးပေါင်းရင်းမြစ်များ

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Ezai 23:18

Son bann marsandiz ek son lapey ava ganny konsakre pour SENYER. Son bann benefis pa pou ganny anmase, ni ganny met an rezerv. Me son bann marsandiz pou servi pour byen nouri e byen abiy bann ki viv dan prezans SENYER.

Ezai 54:3

Annefe, ou pou grandi dan tou direksyon: Adrwat, agos e ou bann desandan pou pran posesyon teritwar bann nasyon vwazen e zot ava peple bann lavil abandonnen.

Ezai 56:6

Bann etranze ki'n atas zot avek SENYER, ki onor li, ki kontan non SENYER, ki vin son serviter, zot tou ki obzerv saba e pa dezonor li, ki gard fidelman mon lalyans,

Ezai 66:12

Annefe, la sa ki SENYER i deklare: Mon pou fer son prosperite koule parey en gran larivyer e larises bann nasyon parey en larivyer ki deborde. Ou pou ganny gate e ganny pran dan lebra. Ou pou ganny dorlote lo son zenou.

Ezai 66:21

Mon pou osi swazir parmi zot bann pret ek bann levit. SENYER i deklare.

Zeremi 33:18

Pou touzour annan bann pret ki sorti dan tribi Levi pou ofer bann sakrifis konplet, lofrann vezetal, ek lezot sakrifis.

Ezekyel 14:11

Konmsa, pep Izrael pou nepli egare lwen avek mwan e zot pa pou vin pli enpir par zot fot. Alor, zot ava vin mon pep e mwan, mon ava vin zot Bondye. Senyer BONDYE ki deklare.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

1 Korentyen 3:5

Apre tou, ki Apolos i ete? Ki Pol i ete? Bann senp serviter, gras a ki, zot in arive krwar, letan nou pe akonpli travay ki nou Senyer in donn sakenn nou.

1 Korentyen 4:1

Zot devre konsider nou koman bann serviter Kris, bann administrater plan sekre Bondye.

2 Korentyen 11:23

Eski zot serviter Kris? La mon pou koz konmsi mon'n perdi konpletman larezon: Wi! Mon serviter Kris plis ki zot ankor. Mon'n travay bokou plis ki zot; mon'n ganny met dan prizon pli souvan ki zot; mon'n ganny bate bokou plis ki zot, e mon'n pli souvan obor lanmor ki zot.

2 Korentyen 6:4

O kontrer, nou fer tou nou posib pour viv koman bann serviter Bondye: Nou'n persevere omilye bann soufrans, dan bann moman detres, e dan bann kalamite.

Deterononm 18:2

Zot pa pou ganny okenn par avek lezot manm zot kominote. SENYER ki zot patrimwann, parey i'n dir zot.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 1:6

I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

Revelasyon 20:6

Byennere e sen, tou bann ki partisip dan sa premye rezireksyon. Dezyenm lanmor pou napa okenn pouvwar lo zot. Zot pou vin pret pour Bondye e pour Kris. Zot pou renny avek li pandan 1,000 an.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.