Ezai 61:11 - Labib An Kreol Seselwa

¹¹ Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

Ezai 61:11 ပူးပေါင်းရင်းမြစ်များ

Zenez 1:11

Apre, Bondye ti dir: Later ava prodwir verdir, bann plant ki annan lagrenn dapre sak lespes, bann pye dibwa ki aport fri avek lagrenn ladan dapre sak lespes! Sa ti arive.

Psonm 72:16

Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.

Psonm 72:3

Montanny! Anmenn lape pour lepep. Kolin! Anmenn lazistis!

Psonm 85:11

Fidelite ava monte sorti dan later e depi lesyel, lazistis ava get anba lo later.

Kantik Salomon 4:16

Vandnor! Leve! Vandsid! Vini! Soufle dan mon zarden. Senm son bann parfen. Mon byenneme! Antre dan ou zarden! Vin manz bann meyer fri!

Ezai 4:2

Sa zour, SENYER pou fer pouse dan pei sa pou loner ek laglwar. Bann fri sa pei pour fer lafyerte ek laglwar bann sirvivan Izrael.

Ezai 45:23

Mon fer serman lo mwan menm: Sa laverite ki sorti dan mon labous i zis, mon annan en sel parol. Tou bann imen pou prostern devan mwan e tou nasyon pou pret serman.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Ezai 60:18

Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Ezai 62:1

Pour lanmour Siyon, mon pa pou gard silans. Pour lanmour Zerizalenm, mon pa pou reste trankil ziska ki lazistis i fer briye en nouvo zour e son delivrans parey en flanbo alimen.

Ezai 62:2

Bann nasyon pou war ou vanzans, tou bann lerwa pou war ou grander; ou pou ganny en nouvo non sorti dan labous SENYER.

Ezai 62:7

Pa les li repoze ziska ki i akonpli son promes e fer li ganny renonmen partou lo later.

Matye 13:23

Bann lagrenn ki tonm dan bon later, zot parey sa bann dimoun ki antann Laparol e konpran li. Zot raport bokou fri, serten 100, serten 60 e serten 30.”

Matye 13:3

Zezi ti servi parabol pour ansenny zot bokou keksoz. I ti dir zot, “En zour, en senmer ti sorti pour al senm lagrenn.

Matye 13:8

Me en lot parti lagrenn ti tonm dan bon later; zot ti donn bokou fri. Serten ti raport 100, serten 60 e serten 30.”

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.