Ezai 60:3 - Labib An Kreol Seselwa

³ Bann nasyon pou mars dan ou lalimyer e bann lerwa dan laklerte sa nouvo zour ki pe leve pour ou.

Ezai 60:3 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 102:16

Kan SENYER pou rekonstri Zerizalenm, i pou aparet dan tou son laglwar.

Psonm 102:22

La, tou bann pep e tou bann rwayonm ava rasanble pour zot ador SENYER.

Psonm 138:4

SENYER! Tou bann lerwa lo later pou loue ou, akoz zot in antann promes ki sorti dan ou prop labous.

Psonm 2:10

Bann lerwa! Azir avek lasazes. Bann dirizan later! Ekout sa lavertisman.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 68:29

Kot ou tanp dan Zerizalenm, bann lerwa ava anmenn kado pour ou.

Psonm 72:11

Tou bann lerwa ava prostern devan li e tou bann nasyon ava servi li.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 42:6

Mwan SENYER, mon'n apel ou dapre lazistis. Mon'n pran ou par lanmen e protez ou; mon'n swazir ou pour ou vin en lalyans pour lepep, en lalimyer pour bann nasyon,

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 45:22

Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.

Ezai 49:12

La zot la; zot in arive sorti lwen, zot sorti, en bann dan Nor, en bann dan Was, lezot dan Sid, dan Lezip.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Ezai 60:10

Bann etranze pou refer ou bann miray; zot bann lerwa pou servi ou, akoz dan mon lakoler mon'n pini ou. Me dan mon labonte, mon'n pran pitye pour ou.

Ezai 60:16

Ou pou sis dile bann nasyon, ou pou sis larises bann lerwa. Alor, ou pou konnen ki mwan SENYER, mon ou Sover e ou Liberater, Bondye pwisan Zakob.

Ezai 62:2

Bann nasyon pou war ou vanzans, tou bann lerwa pou war ou grander; ou pou ganny en nouvo non sorti dan labous SENYER.

Ezai 66:12

Annefe, la sa ki SENYER i deklare: Mon pou fer son prosperite koule parey en gran larivyer e larises bann nasyon parey en larivyer ki deborde. Ou pou ganny gate e ganny pran dan lebra. Ou pou ganny dorlote lo son zenou.

Amos 9:12

Alor, pep Izrael ava kapab repran posesyon restan rwayonm Edonm ek tou bann nasyon ki ti ador mwan. SENYER i deklare, ki i pou fer sa.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Levanzil dapre Zan 12:32

E mwan, kan mon pou ganny eleve par lao later, mon pou atir tou dimoun ver mwan.”

Akt de Zapot 13:47

Annefe, sanmenm sa ki Senyer in ordonn nou: Mon'n etabli ou koman lalimyer pour bann nasyon, pour ki ou anmenn delivrans ziska landrwa pli lwen lo later.”

Akt de Zapot 15:17

pour ki leres dimoun i rod Senyer, ensi ki tou bann nasyon ki port mon non. Sanmenm sa ki Senyer in deklare,

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 21:24

Tou pep lo later pou mars dan son lalimyer, e bann lerwa later pou anmenn zot larises dan lavil.