Ezai 60:2 - Labib An Kreol Seselwa

² Teneb i kouver later e en fernwanr epe i kouver lepep. Me SENYER pou lev lo ou e son laglwar ava aparet lo ou.

Ezai 60:2 ပူးပေါင်းရင်းမြစ်များ

1 Rwa 8:11

Alor, akoz sa nyaz, sa bann pret pa ti kapab reste pour fer servis, akoz laglwar SENYER ti ranpli tanp SENYER.

Psonm 102:16

Kan SENYER pou rekonstri Zerizalenm, i pou aparet dan tou son laglwar.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Ezai 2:5

Desandan Zakob! Vini! Annou mars dan lalimyer SENYER! Larogans pou ganny detri.

Ezai 4:5

Alor, SENYER ava kree lo montanny Siyon e lo bann lasanble ki'n ganny konvoke, en nyaz avek lafimen pandan lazournen, e en laklerte koman en laflanm dife pandan lannwit. Konmsa, laglwar SENYER pou kouver tou,

Ezai 58:10

si ou partaz ou manze avek sa enn ki lafen e konsol sa ki dan lapenn, alor ou lalimyer pou briy dan teneb e fernwanr ava parey soley midi.

Ezai 58:8

Alor, ou lalimyer ava briye parey soley leve granmaten; ou ava geri byen vit; tou ou bon repitasyon pou al devan ou e laglwar SENYER pou protez ou par deryer.

Ezai 62:1

Pour lanmour Siyon, mon pa pou gard silans. Pour lanmour Zerizalenm, mon pa pou reste trankil ziska ki lazistis i fer briye en nouvo zour e son delivrans parey en flanbo alimen.

Ezai 66:11

Akoz ou pou tete dile ziska ou rasazye, sa dile ki konsole; pour ki ou ava kapab bwar avek plezir dile ki sorti dan son zoli tete.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Ezekyel 10:4

Laglwar SENYER ti sorti kot seriben e monte dan direksyon lantre tanp. En nyaz ti ranpli tanp, me lakour ti ganny iliminen par laglwar SENYER.

Levitik 9:23

Moiz ek Aaron ti antre dan Latant Rankont. Kan zot ti sorti, zot ti beni lepep e laglwar SENYER ti aparet devan lepep antye.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Nonm 16:19

Alor, Kore ti rasanble pep Izrael kont zot devan Latant Rankont SENYER. Laglwar SENYER ti aparet avek kominote antye.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Matye 23:19

Zot bann aveg! Lekel ki pli enportan: Lofrann, ouswa lotel ki rann sa lofrann sakre?

Matye 23:24

Zot bann gid aveg! Zot tanmiz zot labwason pou tir en bigay, me zot anval en samo.

Levanzil dapre Zan 1:1

O konmansman, Laparol ti egziste. Laparol ti avek Bondye e Laparol ti Bondye.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Levanzil dapre Zan 8:55

Zot pa'n zanmen konn li. Me mwan, mon konn li. Si mon ti dir mon pa konn li, mon ti ava en manter parey zot. Me mon vreman konn li, e mon obei son parol.

Akt de Zapot 14:16

Dan letan pase, Bondye in les tou bann nasyon fer sa ki fer zot plezir.

Akt de Zapot 17:23

Annefe, letan mon ti pe pronmnen dan zot lavil e pe get avek atansyon bann lobze ki zot adore, mon ti remarke ki lo enn bann lotel i annan sa lenskripsyon: Pour en bondye enkoni. Alor, sanmenm sa Bondye ki zot adore san konn li, ki mon pe vin anons zot.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

Kolosyen 1:13

Annefe, i'n fer nou sorti dan pwisans teneb e i'n transfer nou dan rwayonm son Garson byenneme.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.