Ezai 6:8 - Labib An Kreol Seselwa

⁸ Alor, mon ti antann lavwa SENYER ki ti demande, Lekel mon pou anvoye? Lekel ki pou al dan nou plas? Mon ti dir: La mon la! Anvoy mwan!

Ezai 6:8 ပူးပေါင်းရင်းမြစ်များ

Zenez 1:26

Apre, Bondye ti dir: Annou kree et imen dan nou limaz e dan nou resanblans. I ava soumet anba son dominasyon, tou pwason dan lanmer, tou zwazo dan lesyel ek tou bann zannimo lo later!

Zenez 11:7

Annou desann e brouy zot langaz pour zot pa konpran kanmarad.

Zenez 22:1

Apre, Bondye ti teste Abrahanm. I ti dir li, “Abrahanm!” Abrahanm ti reponn, “Wi, la mon la.”

Zenez 22:11

Alor, lanz SENYER dan lesyel ti apel Abrahanm. I ti dir li, “Abrahanm, Abrahanm!” Abrahanm ti reponn, “Wi! La mon la.”

Zenez 3:22

Apre, SENYER Bondye ti dir, “Zonm in vin parey nou avek konnesans lebyen ek lemal. Fodre anpes li manz fri sa pye dibwa ki donn lavi, sankwa i pou viv pour touzour.”

2 Samyel 1:7

I ti vire, e i ti war mwan. I ti apel mwan. Mon ti reponn: Wi?”

1 Rwa 22:20

SENYER ti demande: Lekel ki pou al tant Akab pour atak Ramot dan Galaad, pour li ganny touye? Zot ti reponn sakenn son mannyer.

Ezai 65:1

Mon ti pare pour les mwan ganny konsilte par sa bann ki pa'n demande; pour ganny trouve par sa bann ki pa ti pe rod mwan. Mon ti dir avek en nasyon ki pa ti envok mon non: La mon la, la mon la!

Ezekyel 1:24

Kan zot ti deplase, mon ti antann tapaz zot lezel ki ti parey tapaz gro lanmer, for parey lavwa Bondye Toupwisan. Kan zot ti bouze, ti paret konmsi mouvman en gran larme. Kan zot ti arete, zot ti zis ferm zot lezel.

Ezekyel 10:5

Tapaz lezel bann seriben ti ariv ziska dan lakour eksteryer; i ti resanble lavwa Bondye Toupwisan ler i koze.

Ezekyel 9:1

Apre, mon ti antann SENYER kriy byen for: Koste, zot ki egzekit pinisyon kont lavil, sakenn avek son zarm destriksyon.

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Akt de Zapot 26:19

“Alor, lerwa Agripa, mon pa ti dezobei sa vizyon ki ti sorti dan lesyel.

Akt de Zapot 9:4

I ti tonm ater e i ti antann en lavwa ki ti dir li: Sol! Sol! Akoz ou persekit mwan?

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

1 Samyel 3:4

SENYER ti apel Samyel. Samyel ti reponn, “Wi, la mon la!”