Ezai 6:7 - Labib An Kreol Seselwa

⁷ I ti tous mon labous avek sa labrez. I ti dir: Aprezan ki sa labrez in tous ou labous, ou fot in ale, ou pese in ganny efase.

Ezai 6:7 ပူးပေါင်းရင်းမြစ်များ

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Ezai 53:5

Me i ti'n ganny blese, akoz nou bann transgresyon, kraze, akoz nou bann pese. Pinisyon ki donn nou lape in tonm lo li. Par son bann blesir, nou ganny geri.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 57:19

SENYER i deklare: Lape! Lape pour sa enn ki lwen, pour san enn ki pros! Mon pou geri zot tou!

Zeremi 1:9

Apre sa, SENYER ti avans son lanmen. I ti tous mon labous e i ti dir mwan: La parol ki mon met dan ou labous.

Danyel 10:16

Alor, en personnaz ki ti resanble en imen, ti tous mon lalev. Mon ti ouver mon labous e mon ti dir sa enn ki ti pe debout devan mwan: Mon senyer, akoz sa vizyon, mon ganny en douler e mon nepli annan lafors.

Sofoni 3:9

Alor, mon pou pirifye labous bann pep, pour ki zot tou, zot envok non SENYER e servi mwan avek en menm leker.

Zakari 3:4

Lanz ti dir sa bann dimoun ki ti pe debout devan li, “Tir sa lenz sal lo li.” I ti dir avek Zozye, “Gete! La mon debaras ou avek ou pese; mon pou abiy ou dan lenz lafet.”

Nonm 16:46

Apre, Moiz ti dir Aaron: Pran lansanswar avek dife ki lo lotel. Met lansan lo la, al vitman kot lepep e fer rityel pirifikasyon pour zot pese. Lakoler SENYER in eklate e fleo in konmanse.

Matye 9:2

Dimoun ti anmenn kot li en zonm paralize lo en lanmak. Kan zezi ti war lafwa sa bann dimoun, i ti dir avek sa zonm paralize, “Pran kouraz, mon garson, ou pese in ganny pardonnen.”

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.