Ezai 6:10 - Labib An Kreol Seselwa

¹⁰ Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Ezai 6:10 ပူးပေါင်းရင်းမြစ်များ

Matye 13:15

Leker sa pep in vin ensansib; zot in bous zot zorey e zot in ferm zot lizye, pour zot pa war avek zot lizye, pour zot pa tande avek zot zorey, e pour zot pa konpran avek zot leker, pour ki zot pa retourn kot mwan pour mwan geri zot.

Akt de Zapot 28:27

Leker sa pep in vin ensansib. Zot in bous zot zorey, e zot in ferm zot lizye, pour zot lizye pa war, pour zot zorey pa tande, e pour zot leker pa konpran, pour ki zot pa retourn kot mwan pour mwan geri zot.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Zeremi 6:10

Avek ki fodre mon koze? Lekel ki pou ekout mon temwannyaz? Zot in bous zot zorey, pour pa antann mon mesaz. Parol SENYER i en dezoner pour zot. Zot pa pare pour ekoute.

Zakari 7:11

Me zot ti refize ekoute. Zot ti tourn ledo e bous zot zorey pour zot pa tande.

Ezai 63:17

SENYER! Akoz ou'n les nou egare lwen avek ou semen? Ou'n andirsi nou leker pour fer nou rezet ou. Pour lanmour ou bann serviter, pour lanmour bann tribi ki ou posesyon: Retournen!

Ezai 29:10

Akoz SENYER in fer zot lespri angourdi; in ferm lizye bann profet, in met en vwal lo latet bann vizyoner.

Deterononm 2:30

Me Sihonn, lerwa Hesbonn, pa ti les nou travers son pei. Annefe, SENYER, zot Bondye ti fer zot vin antete e andirsi son leker pour li livre zot anba ou pouvwar parey i ete ziska ozordi.

Psonm 17:10

Zot leker i san okenn pitye. Zot labous i koz avek larogans.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Psonm 119:70

Zot leker i ensansib, kouver avek lagres; me mon pran plezir dan ou lalwa.

Egzod 14:17

Mon pou andirsi leker bann Ezipsyen pour fer zot swiv deryer. Mon pou montre zot mon grander atraver Faraon, tou son larme, son bann kales lager ek son bann kavalye.

Egzod 11:10

Moiz ek Aaron ti fer tou sa bann mervey devan Faraon. SENYER ti andirsi leker Faraon e i pa ti les pep Izrael kit son pei.

Egzod 10:27

Me SENYER ti andirsi leker Faraon e i pa ti les zot ale.

2 Korentyen 2:16

Pour serten, nou en loder lanmor ki anmenn lanmor; pour lezot en loder lavi ki anmenn lavi. Lekel alor ki kalifye pour ranpli en tel misyon?

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

Ezai 19:22

SENYER pou pini Lezip. I pou pini li, me i pou geri li e bann Ezipsyen ava retourn ver SENYER ki ava ekout zot siplikasyon e geri zot.

Egzod 7:3

Me mwan, mon pou andirsi leker Faraon. Menm si mon fer ankor plis bann siny ek bann mervey dan Lezip,

Levanzil dapre Zan 12:40

Bondye in rann zot lizye aveg. I'n ferm zot leker, pour ki zot pa war avek zot lizye, e zot pa konpran avek zot leker, pour ki zot pa retourn kot mwan, pour mwan geri zot.

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.

Deterononm 31:20

Annefe, mon pou anmenn zot dan en pei kot dile ek dimyel i koule. Sa i en serman ki mon ti fer avek zot bann zanset. Ler zot in byen manze, rasazye e vin gra, zot al kot lezot bondye e servi zot, mepriz mwan e kas mon lalyans.

Psonm 69:23

Zot lizye ava vin sonm e zot pou nepli war kler. Zot leren ava touzour kourbe.

Ezai 29:14

Alor, mon pou kontinyen etonn sa pep avek ankor bann mervey; par bann aksyon etonan enn apre lot. Bann saz pa pou konpran. Lentelizans bann savan pa pou kapab eksplike.

Ezai 44:18

Zot pa konn nanryen; zot pa konpran nanryen. Zot lizye i bouse, zot pa war kler; zot lespri i bornen; zot pa ni war, ni konpran nanryen.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Lamantasyon 3:65

Pini zot, fer zot perdi lespwar.

Zakari 11:15

La sa ki SENYER ti dir mwan: Aprezan, fer krwar ou en berze ki bet!

Deterononm 29:3

Zot in war bann gran leprev ki i'n anvoye, bann siny ek bann gran mervey ki i'n fer.

Proverb 16:30

Sa enn ki ferm lizye pe prepar en move kou; sa enn ki mord lalev in deza fer sa ki mal.

Eklezyas 3:3

I annan en letan pour touye e en letan pour gerir; en letan pour demolir e letan pour konstrir.

Ezai 28:13

Alor, SENYER pou ansenny laliny apre laliny, laliny apre laliny, en pe isi, en pe laba. Konmsa, zot ava marse, tonm par ledo e kas zot lezo; zot ava ganny atrape e ganny fer prizonnyen.

Ezai 29:9

Reste etonnen! Pa dir nanryen! Gard lizye fermen! Pa war nanryen! Vin sou, me san bwar diven! Drive, san ki ou'n bwar labwason for!