Ezai 59:9 - Labib An Kreol Seselwa

⁹ Pour sa rezon ki lazistis i reste lwen avek nou e lazistis pa ariv ziska kot nou. Nou esper lalimyer, me i annan zis fernwanr. Nou esper lizour, me nou pe mars dan teneb.

Ezai 59:9 ပူးပေါင်းရင်းမြစ်များ

Liv Zob 19:8

In bar mon semen pour anpes mwan pase; i'n met fernwanr dan mon semen.

Liv Zob 30:26

Mon ti pe esper boner, me maler ki'n vini! Mon ti pe esper lalimyer, me fernwanr ki'n vini!

Psonm 82:5

Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Ezai 59:11

Nou tou, nou gronnyen parey lours; nou pa arete roukoule parey pizon. Nou esper lazistis, me i pa vini; nou esper nou delivrans, me i reste lwen avek nou.

Ezai 59:14

Pour sa rezon, lazistis pa'n progrese e ladrwatir in rekile; laverite i ganny dezonore dan plas piblik e napa plas pour lonnekte.

Ezai 59:8

Zot pa konn semen lape; zot pa les okenn tras lazistis deryer zot. Zot in fer semen ki ranpli avek kontour; sa ki pran sa semen pa konnen kisisa lape.

Ezai 8:21

Zot pou travers pei byen akable e byen lafen. Dan zot lafen, zot pou pran lakoler e zot pou modi zot lerwa ek zot Bondye. Zot pou lev zot latet ver lesyel.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 8:15

Nou ti pe espere ki lape ava aranz tou e ki nou ti ava ganny en letan pour nou swanny nou bann blesir. Me nanryen pa'n arive. Olye sa, lafreyer ki'n tap nou.

Lamantasyon 3:2

I'n pous mwan devan li; i pa'n fer mwan mars dan lalimyer, me dan fernwanr.

Lamantasyon 4:14

Zot ti marsaye dan semen parey bann aveg. Zot lenz ti telman tase avek disan, ki personn pa ti kapab tous zot.

Amos 8:9

La sa ki Senyer BONDYE i deklare: Sa zour la, mon pou fer soley kouse midi, e lannwit pou vin lizour lo later.

Mise 1:12

Zabitan Marot pe enkyet pour son boner. Me maler sorti kot SENYER, in ariv ziska devan laport Zerizalenm.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.