Ezai 57:4 - Labib An Kreol Seselwa

⁴ Lekel ki zot pe monke? Kont ki zot pe ouver gran zot labous e tir zot lalang? Zot bann zanfan revolte, en zenerasyon koronpi.

Ezai 57:4 ပူးပေါင်းရင်းမြစ်များ

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Psonm 22:13

Parey bann lyon feros, zot ti ouver zot lagel, pare pour desir mwan.

Psonm 22:17

Mon kapab kont tou mon bann lezo. Dimoun pa tir zot lizye lo mwan.

Psonm 22:7

Tou sa ki war mwan i boufonn mwan; zot gognard mwan, zot sekwe zot latet:

Psonm 35:21

Zot ouver gran zot labous kont mwan. Zot dir: Nou'n war li avek nou prop lizye!

Psonm 69:12

Bann ki asiz obor semen i malparl mwan; bann soular i konpoz mwan dan sanson.

Egzod 9:17

Ou ankor pe met lobstak kont mon pep e refize les zot ale.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 10:15

Eski en lars i kapab vant son lekor dan plas sa enn ki servi li? Eski en lasi i kapab fer vantar dan plas sa enn ki servi li? Sa i konmsi roten i fer bouze lebra ki lev li oubyen en baton ki diriz sa lanmen ki mannye li.

Ezai 30:1

La sa ki SENYER i deklare: Maler lo zot bann zanfan rebel! Zot fer bann plan ki pa sorti kot mwan. Zot siny bann lalyans ki mon pa aprouve e akimil pese enn lo lot.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 37:23

Lekel ki ou'n ensilte e meprize? Kont lekel ou'n lev ou lavwa e lev en regar ensolan? Kont Bondye sen Izrael!

Ezai 37:29

Ou'n pran lakoler kont mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous e mon pou fer ou retourn kot ou sorti.

Ezai 48:8

Zanmen ou'n tande, zanmen ou'n konnen; depi lontan, ou zorey in reste bouse. Akoz mon ti konnen ki ou pa ti en tret e ki depi avan ou nesans, zot apel ou en rebel.

Ezai 57:5

Zot brile anndan avek move dezir anba bann pye dibwa sakre, anba tou pye dibwa avek feyaz ver. Zot ofer an sakrifis zot zanfan dan bann vale, obor larivyer, dan lafant ros.

Zeremi 20:8

Sak fwa ki mon bezwen koze, fodre ki mon kriye pour anonse: Vyolans ek destriksyon. SENYER! Akoz mon proklanm ou mesaz, dimoun i ensilte mwan e monk mwan.

Ezekyel 2:4

Mon pe anvoy ou kot sa pep antete e ki annan leker dir. Dir zot: La sa ki Senyer BONDYE i deklare:

Oze 10:9

Izrael! Depi zafer Gibea, ou'n fer pese e ou pe kontinyen. Alor, pa i normal ki lager pou ariv ziska Gibea?

Nonm 16:11

Pour sa rezon, ou ek ou group ki avek ou, zot pe revolte kont SENYER. Ki zot annan pour zot revolte kont Aaron?”

Matye 13:38

Sa zarden se lemonn. Bon lagrenn i reprezant pep ki fer parti Rwayonm; move zerb i reprezant zanfan dyab.

Matye 27:29

Zot ti tres en kouronn avek bann brans pikan e met lo son latet. Zot ti met en baton dan son lanmen drwat. Azenou devan li, zot ti gognard li, “Viv lerwa bann Zwif!”

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Akt de Zapot 9:4

I ti tonm ater e i ti antann en lavwa ki ti dir li: Sol! Sol! Akoz ou persekit mwan?

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

Kolosyen 3:6

Bann pese parey pou atir lakoler Bondye lo bann ki pa obei li.

Zozye 10:21

Lakominote antye ti retourn Makeda sen e sof, dan kan kot Zozye. Personn pa ti oze dir en mo kont bann Izraelit.

2 Pyer 2:13

Konmsa ki zot pou rekolte lapey zot bann lenzistis. Zot pran gran plezir satisfer zot prop dezir an plen zour. Kan zot fer lafet avek ou, zot pran plezir dan mansonz. Zot prezans i degoutan e fer onte.