Ezai 57:3 - Labib An Kreol Seselwa

³ Me zot, bann zanfan en fanm sorsye, piti en fanm adilter, en prostitye! Vin isi.

Ezai 57:3 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Ezai 1:21

Koman eski sa lavil ki ti fidel in vin en prostitye? La kot ti annan respe pour lazistis ek ladrwatir, aprezan sa lavil i ranpli avek kriminel.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 48:16

Apros kot mwan! Ekout mwan! Depi konmansman mon pa'n koz an sekre. Mon ti la byen avan tousala. Aprezan, Senyer BONDYE in anvoy mwan avek son lespri.

Ezai 57:7

Zot in enstal zot landrwa dormi anler lo en montanny tre o. Laba, ki zot in monte pour ofer zot sakrifis.

Ezai 58:2

Pourtan, tou le zour zot rod mwan; zot kontan pour konn semen ki mon oule zot swiv, konmsi zot ti en nasyon ki pratik lazistis e ki pa'n abandonn komannman zot Bondye. Zot demann mwan rann bann zizman ki zis, zot anvi retourn kot Bondye.

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Zeremi 3:9

I'n komet adilter avek ros ek pye dibwa, in sali son lekor; in osi sali son pei.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 2:4

Mon pa pou kontan son bann zanfan: Zot bann zanfan en fanm prostitye.

Oze 2:6

Pour sa rezon, mwan SENYER, mon pou blok son semen. Mon pou antour li avek en bison pikan. I pa pou war semen pase.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 12:34

Ras serpan ki zot ete! Ki mannyer zot pou kapab dir bon keksoz, kan zot menm, zot move? Annefe, labous i dir sa ki deborde dan leker.

Matye 16:4

Sa zenerasyon move e adilter, i demann en siny! Me zot pa pou ganny okenn siny, eksepte siny Zonas.” Apre, Zezi ti kit zot.

Matye 23:33

Zot bann serpan, ras viper! Ki mannyer zot ekspekte sap kondannasyon lanfer?

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Levanzil dapre Lik 3:7

Zan ti dir avek sa lafoul ki ti vin kot li pour ganny batize, “Ras viper ki zot ete! Lekel ki'n montre zot koman sov lakoler ki pou vini?

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.