Ezai 57:16 - Labib An Kreol Seselwa

¹⁶ Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Ezai 57:16 ပူးပေါင်းရင်းမြစ်များ

Zenez 6:3

Alor, SENYER ti dir: Mon lespri pa pou reste touzour dan bann et imen, akoz i zis laser. Son lavi pou dire zis 120 an.

2 Samyel 24:16

Amezir ki sa mesaze ti lev son lanmen lo Zerizalenm pour detri sa lavil, SENYER ti regret sa maler. I ti dir sa mesaze destrikter ki ti parmi lepep: Ase! Arete aprezan! Mesaze SENYER ti pre kot Aravna, sa Zebizit, i bat dible.

Liv Zob 12:10

Lavi tou et vivan, souf tou imen i dan son lanmen.

Psonm 85:5

Eski ou pou ankoler kont nou pour touzour? Eski ou pou ankoler kont bann zenerasyon fitir?

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Ezai 27:8

Ou'n egzekit ou zizman, ou'n anvoy zot annegzil. Par ou souf terib, ou'n balye zot parey en divan vyolan sorti dan Les.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 64:8

Malgre sa SENYER, ou menm nou Papa; nou, nou larzil e ou, ou potye ki fasonn nou; nou tou, nou rezilta travay ki'n sorti dan ou lanmen.

Zeremi 10:24

Koriz ou pep, SENYER! Me pa tap li tro for. Pa pini li ler ou ankoler, sankwa nou pou ganny detri konpletman.

Zeremi 3:5

Ou pou gard rankin kont mwan pour touzour? Sanmenm ki ou ti dir. Me ou'n kontinyen avek tou ou bann forfe, e ou'n reisi kantmenm.

Zeremi 38:16

Alor, an sekre, lerwa Sedesyas ti fer sa promes avek Zeremi, “Mon fer serman, devan SENYER ki vivan, ki'n donn nou lavi: Mon pa pou fer ou ganny touye, e mon pa pou livre ou dan lanmen sa bann zonm ki oule touy ou.”

Ezekyel 18:4

Annefe, lavi sak dimoun i pour mwan; lavi bann paran koman lavi bann zanfan. Sa enn ki'n fer pese, se li menm ki pou mor.

Amos 1:11

La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

Ebre 12:9

Pa oubliye ki sakenn nou, nou ti annan en papa lo sa later; i'n koriz nou e nou'n annan respe pour li. Sa i donn nou plis rezon pour nou soumet nou avek nou Papa ki dan lesyel pour nou resevwar lavi.