Ezai 57:14 - Labib An Kreol Seselwa

¹⁴ I pou ganny dir: Repar semen, degaz lari, tir tou bann lobstak lo semen mon pep.

Ezai 57:14 ပူးပေါင်းရင်းမြစ်များ

Psonm 68:4

Sant pour Bondye! Loue son non par bann kantik! Sant en kantik pour sa enn ki vini dan nyaz lo son kales. SENYER i son non. Selebre avek lazwa devan li!

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 40:3

En lavwa i kriye: Prepar en semen dan dezer pour SENYER; nivle en larout pour nou Bondye.

Ezai 49:11

Mon pou transform montanny e fer semen; mon pou refer bann grannrout.

Ezai 62:10

Zabitan Zerizalenm! Travers bann laport lavil! Degaz semen pour lepep. Nivle larout! Repar semen; tir tou ros; lev bannyer pour bann pep!

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Romen 14:13

Alor, annou arete ziz nou prosen. Plito deside pa met devan nou frer, nanryen ki pou ofans li, oubyen fer li tonm dan pese.

1 Korentyen 1:23

Kanta nou, nou anons Kris ki'n ganny krisifye, en mesaz skandal pour bann Zwif, en lafoli pour bann non-Zwif.

1 Korentyen 8:13

Alor, si sa ki mon manze i fer mon frer tonm dan pese, mon pa pou zanmen manz lavyann ankor, pour mwan pa fer mon frer tonbe.

1 Korentyen 8:9

Me fer atansyon ki ou drwa pa fer enn ki pli feb tonbe.

2 Korentyen 6:3

Nou pa oule plas okenn lobstak devan personn, pour ki nou servis pour Bondye pa ganny blanmen.

Ebre 12:13

Fer bann santye byen drwat pour zot lipye, pour ki sa enn ki bwete pa deranz son lipye, me plito ki i geri.