Ezai 57:11 - Labib An Kreol Seselwa

¹¹ Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Ezai 57:11 ပူးပေါင်းရင်းမြစ်များ

Psonm 50:21

Tousala, ou'n fer e oule mon gard silans? Ou ti krwar mon ti parey ou? Aprezan mon denons ou, e mon pou akiz ou anfas.

Psonm 78:36

Me zot ti tronp li avek zot labous. Zot lalang ti prodwir zis mansonz.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

Ezai 26:10

Menm si ou annan pitye pour bann malfeter, zot pa aprann pratik lazistis. Dan pei kot lazistis i ganny pratike, zot azir an malonnet e zot pa war ou grander, SENYER.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 42:14

Depi en bon pe letan mon pe reste trankil. Mon pa'n dir nanryen, mon'n gard silans. Me aprezan, parey en fanm dan douler lakousman, mon pou kriye, mon pou plennyen, mon pou soufle akoz mon pa kapab byen respire.

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Zeremi 38:19

Lerwa Sedesyas ti reponn Zeremi, “Mon per ki mon bann prop konpatriyot ki'n dezerte, zot al kot bann Babilonyen pour maltret mwan e menm tortir mwan.”

Zeremi 41:18

Annefe, zot ti per bann Babilonyen depi ki Ismael ti'n asasin Gedalya, ki lerwa Babilonyen ti'n nonmen koman gouverner Zida.

Zeremi 42:20

Zot pe fer en gro fot. Zot ti demann mwan priy SENYER nou Bondye pour zot, e zot ti promet ki zot pou fer tou sa ki i pou dir zot fer.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Oze 11:12

Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Matye 25:25

Alor, mon ti per e mon ti al kasyet ou larzan dan later. La ou larzan.

Akt de Zapot 5:3

Pyer ti dir li, “Ananyas! Akoz ou'n les Satan pran kontrol ou leker? Ou'n koz manti avek Lespri Sen, an gardan en parti larzan ki ou'n gannyen pour sa propriyete.

2 Tesalonisyen 2:9

Sa pwisans move pou azir avek pwisans Satan. I pou fer toudsort mirak ek bann siny ekstraordiner pour tronp dimoun.

1 Timote 4:2

Zot pou les zot ganny tronpe par lipokrizi bann manter; zot konsyans i'n ganny marke avek en fer rouz.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!