Ezai 57:1 - Labib An Kreol Seselwa

¹ Bann zis i ganny detri e personn pa pran ka. Bann fidel i disparet e personn pa konpran. Annefe, bann ki fidel anver Bondye pe disparet, anglouti dan maler.

Ezai 57:1 ပူးပေါင်းရင်းမြစ်များ

1 Rwa 14:13

Izrael antye pou lamante e anter li. Zis li dan lafanmir Zeroboanm ki pou ganny met dan en tonbo, akoz dan lafanmir Zeroboanm zis li tousel ki SENYER, Bondye Izrael, in trouv keksoz bon e ki fer li plezir.

2 Rwa 22:20

Alor, mon pou reini ou avek ou bann zanset; ou ava ganny resevwar anpe dan ou tonbo; ou lizye pa pou war sa kalite maler ki mon pou anvoy lo sa landrwa. Sa bann dimoun ti raport sa repons avek lerwa.

2 Kronik 32:33

Kan Ezekyas ti mor, i ti ganny antere dan seksyon siperyer kavo bann desandan David. Tou zabitan Zida ek Zerizalenm ti onor son lanmor. Son garson Manase ti vin lerwa dan son plas.

2 Kronik 34:28

Mon pou les ou mor anpe, e ou ava al dan ou tonbo san war sa bann maler ki mon pe anvoy lo Zerizalenm ek son zabitan. Zot ti raport sa mesaz avek lerwa.

2 Kronik 35:24

Son bann zonm ti lev li dan son kales lager e met li dan son lot kales kot i ti mor. Zot ti anter li dan kavo son bann zanset. Tou bann zabitan Zerizalenm ek Zida ti port dey pour Zozyas.

Psonm 12:1

SENYER! Mon kriy osekour. Tou dimoun fidel in disparet. Nepli annan personn ki ou kapab fer konfyans.

Psonm 37:37

Obzerv byen en dimoun onnet; get sa enn ki senp e drwat. Sa enn ki kontan lape pour viv lontan.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Ezai 47:11

Me maler pou tonm lo ou san ki ou pou kapab eparny li. Dezas pou tonm lo ou e ou pa pou kapab evit li. Ou pou tonm dan larin en sel kou, san ki ou annan okenn lide.

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 22:10

Zabitan Zida! Pa bezwen plere ni plennyen pour sa enn ki'n mor. Plere plito pour sa enn ki ale, akoz i pa pou zanmen retournen; i pa pou zanmen retourn dan pei kot i ti ne.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Nonm 23:10

Lekel ki kapab kont pep Izrael ki koman lapousyer? Lekel ki kapab kalkil popilasyon Zakob ki koman nyaz? Les mon bann zour fini koman en zonm drwat; les mwan mor anpe parey en zonm zis.